विदेशात शिक्षणासाठी जाणाऱ्या

विद्यार्थ्यांच्या लसीकरणाला प्राधान्य

-         जिल्हाधिकारी डॉ. विपीन इटनकर 

नांदेड, दि. 5 (जिमाका) :- नांदेड जिल्ह्यातून विदेशात शिक्षणासाठी जाणाऱ्या विद्यार्थ्यांची लसीकरणाअभावी गैरसोय होऊ नये याची दक्षता शासनाने दिलेल्या निर्देशाप्रमाणे घेतली जात आहे. यासाठी आता संबंधित विद्यार्थ्यांनी विदेशातील शैक्षणिक संस्था / विद्यापिठाकडून प्रवेश संदर्भात दिलेली कागदपत्रे, ॲडमीशन ऑफर लेटर, व्हिसा अथवा व्हिसा मिळण्याबाबत सादर केलेले कागदपत्र तपासून संबंधितांचे लसीकरण केले जाईल. cowin.gov.in या वेबसाईटवर नोंदी घेऊन तसा अहवाल जिल्हा आरोग्य अधिकारी कार्यालयाच्या ईमेल आयडीवर dhonanded4@gmail.com वर सादर करण्याबाबत जिल्हाधिकारी डॉ. विपीन इटनकर यांनी आदेशीत केले आहे.  

000000