महारेशीम अभियानाचा

मंगळवारी शुभारंभ

नांदेड दि. 5 :- "महा-रेशीम अभियान 2020" अभियाचा शुभारंभ व रेशीम रथाचे उद्घाटन जिल्हाधिकारी अरुण डोंगरे यांचे हस्ते मंगळवार 7 जानेवारी 2020 रोजी जिल्हाधिकारी कार्यालय नांदेड येथे सकाळी 10 वा. करण्यात येणार आहे. या कार्यक्रमास शेतकरी, अधिकारी, कर्मचाऱ्यांनी उपस्थित रहावे, असे आवाहन जिल्‍हा रेशीम कार्यालय नांदेड  यांनी केले आहे.    

या अभियानांतर्गत नवीन तुती लागवड करण्‍यासाठी उत्‍सुक शेतकऱ्यांनी नोंदणीसाठी जिल्‍हा रेशीम कार्यालय कृषि उत्‍पन्‍न बाजार समिती जवळ नवा मोंढा नांदेड येथे (दुरध्‍वनी 02462-284291) संपर्क करावा. सन 2020-21 मध्ये समुहाने मनरेगा योजनेंतर्गत तसेच वैयक्तिक नवीन तुती लागवड करण्‍यासाठी उत्‍सुक असलेल्‍या शेतकऱ्यांची नोंदणी करण्‍यासाठी "महा-रेशीम अभियान 2020" चे आयोजन 7 ते 21 जानेवारी 2020 या कालावधीत करण्यात येणार आहे, अशी माहिती रेशीम विकास अधिकारी नांदेड यांनी दिली. 

00000