संविधान दिनानिमित्त

संविधान रॅलीचे आज आयोजन

नांदेड दि. 25 :- संविधान दिनानिमित्त 26 नोव्हेंबर रोजी संविधान रॅलीचे आयोजन करण्यात आले आहे. संविधान रॅलीचा प्रारंभ महात्मा ज्योतिबा फुले यांच्या पुतळ्यास पुष्पहार अर्पण करुन मान्यवरांच्या उपस्थितीत सकाळी 9 वा. होईल. रॅलीचा मार्ग महात्मा ज्योतिबा फुले पुतळा-शिवाजीनगर-कलामंदिर-मुथा चौक-छत्रपती शिवाजी महाराज पुतळा ते डॉ. बाबासाहेब आंबेडकर यांच्या पुतळ्याजवळ संविधान प्रस्ताविकेचे सामुहिक वाचन करुन रॅलीचा समारोप होईल.

या संविधान रॅलीत विद्यालय, महाविद्यालयाचे विद्यार्थी, अधिकारी, कर्मचारी, एनसीसी, स्कॉऊट विद्यार्थी, सामाजिक कार्यकर्ते, समता दुत, आदींचा सहभाग राहणार असून सर्व संबंधितांनी रॅलीत सहभागी व्हावे, असे आवाहन सहाय्यक आयुक्त समाज कल्याण नांदेड यांनी केले आहे.

000000