दुष्काळी परिस्थितीत
जलाशयाखाली / तलावाखालील जमिनीचा विनियोग
फक्त चारा पीके घेण्याबाबतची बैठक संपन्न
नांदेड दि. 22:- सन २०१८-१९ च्‍या दुष्काळी परिस्थितीत
जलाशयाखाली/तलावाखालील जमीनीचा विनियोग फक्त चारा पीके घेण्‍याबाबत आज दिनांक २२
नोव्हेंबर २०१८ रोजी जिल्‍हाधिकारी अरुण डोंगरे यांच्या अध्‍यक्षतेखाली बैठक सपन्‍नं
झाली .
या बैठकीत अधिक्षक अभियंता नांदेड पाटबंधारे
मंडळ,
नांदेड, कार्यकारी अभियंता
मृद व जलसंधारण नांदेड, जिल्हा अधिक्षक कृषि अधिकारी नांदेड, जिल्हा पशुसंवर्धन
उप आयुक्त, नांदेड जिल्हा
पशुसंवर्धन अधिकारी जि.प नांदेड सर्व उपविभागीय अधिकारी व तहसिलदार हे उपस्थित
होते.
कृषि व पशुसंवर्धन, दुग्‍धव्‍यवसाय विभाग यांचे
शासन निर्णय क्रं एफडीआर-२०१७/ प्र.क्र.१६७/ पदुम-४ दि. १५ नोव्हेंबर, २०१८ अन्‍वये
महाराष्‍ट्राच्‍या बहुतांश भागात अत्‍यल्‍प पर्जन्‍यमानामुळे दुष्काळी परिस्थिती
निर्माण झाली असुन,
संभाव्‍य चारा टंचाई विचारात घेता, गाळपेर क्षेत्रावर चारा पीकांचे उत्‍पादन करुन जनावरांसाठी चारा उत्‍पादन करण्‍याच्‍या
दृष्‍टीने शासनाने निर्देश दिलेले आहेत. तसेच चारा टंचाई निवारण्‍याकरीता लाभार्थी
निवड, समन्‍वय व
संनियंत्रण करण्‍यासाठी समिती गठीत करण्‍यात आली आले आहे.
जलसंपदा, मृद व जलसंधारण विभागाकडील
जलाशयाखाली / तलावाखालील जमीन प्रकल्पामध्ये पाणीसाठा कमी झाल्यामुळे बुडीताखालील
जमीन मोकळ्या , उघड्या पडलेल्या आहेत. अशा जमिनीवर शेतकऱ्यांना चारा पिके उत्‍पादनाकरीता वर्ष
२०१८-१९ रब्‍बी व उन्‍हाळी हंगामासाठी
नाममात्र रु.1 दराने भाडेपट्टयावर देण्‍यात येणार आहे. या गाळपेरा जमिनीवर चारा
पिकांचे मका, ज्‍वारी, बाजरी व न्‍युट्रिफिड
बियाणे पशुसंवर्धन विभागामार्फत विनामुल्‍य उपलब्‍ध करुन देण्‍यात येणार आहेत.
या योजनेचे अर्ज प्रत्‍येक तालुक्‍यात पशुधन
विकास अधिकारी पंचायत समिती विस्‍तार यांचे स्‍तरावरुन स्विकारण्‍यात येतील व अर्ज
स्किारण्‍याचा कालावधी २६ नोव्हेंबर,2018 ते ०४ डिसेंबर, २०१८ पर्यंत राहणार आहे. या
योजनेत पशुधन पालकांनी मोठ्या प्रमाणात सहभागी होण्‍याचे आवाहन जिल्‍हाधिकारी अरुण
डोंगरे यांनी केले आहे.
0000
.jpeg)
No comments:
Post a Comment