चौथ्या राष्ट्रीय मास्टर्स जलतरण स्पर्धेत

नांदेडचा पारस यादव हा आयकॉन ठरला

नांदेड दि. 2:- नांदेड येथे संपन्न झालेल्या चौथ्या मास्टर्स राष्ट्रीय जलतरण स्पर्धेत महाराष्ट्राचे प्रतिनिधीत्व करित नांदेडचा जलतरण पट्टू पारस यादव याने 50 मी. फ्रिस्टाईल याबाबीचे अंतर 27 पूर्ण करुन सुवर्ण पदक प्राप्त केले . व 50 मी. ब्रेस्टस्ट्रोकमध्ये 37 सेकंदात अंतर पूर्ण करुन दुसरे सुवर्णपदक प्राप्त केले. या स्पर्धेत कमीत कमी वेळ नोंदवून राष्ट्रीय जलतरण स्पर्धेत पारस यादव हा आयकॉन ठरला.

तसेच यापूर्वीच्या तिसऱ्या राष्ट्रीय मास्टर्स जलतरण स्पर्धा हैद्राबाद येथे संपन्न झालेल्या स्पर्धेत दोन सुवर्ण प्राप्त केले. सद्यस्थितीत श्री. पारस गंगालाल यादव हे एम.फील पूर्ण करीत आहेत.

याबाबत जिल्हाधिकारी अरुण डोंगरे, निवासी उपजिल्हाधिकारी जयराज कारभारी , जिल्हा क्रिडा अधिकारी गंगालाल यादव , जिल्हा जलतरण संघटनेचे अध्यक्ष अरुण (बापू) किनगांवकर यांनी त्यांच्या यशाबद्दल सत्कार केला . यावेळी क्रीडा अधिकारी एम. जे. सोनकांबळे , वरिष्ठ लिपीक आनंद गायकवाड, आनंद सुरेकर आदि उपस्थित होते.

***