पिकावरील कीड संरक्षणासाठी कृषि संदेश

नांदेड दि. 3:-  नांदेड उपविभागातील नांदेड , मुदखेड, अर्धापूर, लोहा, कंधार या पाच तालुक्यामध्ये तुर व कापूस पिकासाठी किड व रोग सर्वेक्षण प्रकल्पातंर्गत काम सुरु आहे. शेतकऱ्यांना पिकावरील किड संरक्षणासाठी कृषी संदेश देण्यात आला आहे.

कापशीवरील गुलाबी बोंडअळीच्या नियंत्रणासाठी फेन प्रोपॅथ्रीन 10 इसी 10 मिली प्रति 10 लिटर पाण्यात मिसळून फवारणी करावी. तसेच लाल्या नियंत्रणासाठी मॅग्नेशियम सल्फेट 1 टक्के फवारणी करावी. तुरी या पिकासाठी शेंगा पोखणाऱ्या अळीच्या नियंत्रणासाठी प्रति हेक्टरी 5 कामगंध सापळे 50 मिटर अंतरावर लावावेत, असे आवाहन नांदेडचे विभागीय कृषि अधिकारी डॉ. व्ही. व्ही. भरगंडे यांनी केले आहे.

000000