आचार्य बाळशास्त्री जांभेकर यांना

माहिती कार्यालयात अभिवादन

नांदेड, दि. 6 - जिल्हा माहिती कार्यालय नांदेड येथे दर्पण दिनानिमित्त दर्पणकार आचार्य बाळशास्त्री जांभेकर यांना अभिवादन करण्यात आले. जिल्हा माहिती अधिकारी दिलीप गवळी यांच्या हस्ते कार्यालयात आचार्य बाळशास्त्री जांभेकर यांच्या प्रतिमेस पुष्पहार अर्पण करून अभिवादन करण्यात आले. याप्रसंगी श्री. गवळी यांनी विविध माध्यमातील प्रतिनिधी, पत्रकार यांना दर्पण दिन आणि पत्रकार दिनाच्या शुभेच्छाही दिल्या.

यावेळी मराठी पत्रकार परिषदेचे लातूर विभागाचे सचिव तथा सामनाचे प्रतिनिधी विजय जोशी, माहिती अधिकारी निशिकांत तोडकर यांनीही आचार्य जांभेकर यांच्या प्रतिमेला अभिवादन केले. याप्रसंगी छायाचित्रकार विजय होकर्णे यांच्यासह अलका पाटील, काशिनाथ आरेवार, महमंद यूसूफ, प्रवीण बिदरकर, बालनरसय्या अंगली, चंद्रकांत आराध्ये आदींची उपस्थिती होती.

000000