पीक विम्यासाठी 10 जानेवारी अंतिम मुदत

नांदेड , दि. 6 :- राष्ट्रीय पीक विमा योजना 2016-17 रब्बी गहु(बा),गहु(जि),ज्वारी(बा), ज्वारी (जि) हरभरा, करडई, सुर्यफुल व रब्बी कांदा या पीकासाठी विमा प्रस्ताव बॅंकेत भरण्याची अंतिम मुदत 31 डिसेंबर 2016  होती. तथापि शेतक-यांना मोठ्या प्रमाणावर या योजनेचा लाभ व्हावा या हेतूने महाराष्ट्र शासनाने मुदत वाढ केली असुन आता अंतिम मुदत दिनांक 10 जानेवारी 2017  अशी करण्यात आली आहे.तसेच उन्हाळी भात व उन्हाळी भुईमुग या पिकासाठी विमा प्रस्ताव बॅंकेत भरण्याची अंतिम मुदत 31 मार्च 2017 आहे. तरी शेतक-यांनी या मुदतवाढीचा लाभ घ्यावा असे आवाहन विभागीय कृषी सहसंचालक लातूर यांनी प्रसिध्दी पत्रकानव्ये केले आहे.