स्वर्णजयंती ग्रामस्वरोजगार योजनेअंतर्गत पुरस्कारासाठी

महिला बचतगटांना 21 नोव्हेंबर पर्यंत अर्ज करण्याचे आवाहन

नांदेड दि. 17 :- स्वर्णजयंती ग्रामस्वरोजगार योजना महाराष्ट्र राज्य ग्रामीण जीवनोन्नती अभियान अंतर्गत सन 2015-16 या वर्षासाठी तालुका व जिल्हास्तरावर प्रथम, व्दितीय व तृतीय पारितोषिकासाठी दारिद्रय रेषेखालील स्वयंसहाय्यता महिला बचत गटांनी आपले प्रस्ताव पंचायत समितीस्तरावर गटविकास अधिकारी, यांच्याकडे सोमवार 21 नोव्हेंबर 2016 पर्यंत सादर करावे, असे आवाहन प्रकल्प संचालक जिल्हा ग्रामीण विकास यंत्रणा नांदेड यांनी केले आहे.

स्वर्णजयंती ग्रामस्वरोजगार योजनेच्या माध्यमातून निर्माण झालेल्या दारिद्रय रेषेखालील आदर्श व सक्षम स्वंयसहाय्यता महिला बचत गटांसाठी राजमाता जिजाऊ स्वावलंबन पुरस्कार योजना दिनांक 1 मे 2006 पासून शासन निर्णय दि. 18 एप्रिल 2016 च्या शासन निर्णयानूसार सुरु करण्यात आली आहे. ही योजना विभागस्तर, जिल्हास्तर व तालुकास्तरावर सुरु आहेत. त्यासाठी अर्ज करण्याचे आवाहन करण्यात आले आहे.  

0000000