स्वर्णजयंती ग्रामस्वरोजगार योजनेअंतर्गत पुरस्कारासाठी

पत्रकारांना 21 नोव्हेंबर पर्यंत अर्ज करण्याचे आवाहन

        नांदेड दि. 17 :- स्वर्णजयंती ग्रामस्वरोजगार योजनेची, महाराष्ट्र राज्याग्रामीण जीवनोन्नती अभियानाची उत्कृष्ट प्रसिध्दी देणाऱ्या पत्रकारांना पुरस्कार देण्यात येणार आहेत. त्यासाठीचे प्रस्ताव प्रसिध्द केलेल्या बातम्या व फोटो लेखमाला इत्यादीसह पंचायत समितीस्तरावरुन गटविकास अधिकारी यांच्यामार्फत प्रकल्प संचालक, जिल्हा ग्रामीण विकास यंत्रणा, नांदेड या कार्यालयास सोमवार 21 नोव्हेंबर 2016 पर्यंत सादर करावेत, असे आवाहन प्रकल्प संचालक जिल्हा ग्रामीण विकास यंत्रणा नांदेड यांनी केले आहे.

स्वर्णजयंती ग्रामस्वरोजगार योजनेअंतर्गत अतिउत्कृष्ट व सक्षम बचत गटांना राजमाता जिजाऊ स्वावलंबन पुरस्कार शासनातर्फे दिले जातात. या धर्तीवर स्वर्णजयंती  ग्रामस्वरोजगार योजनेबाबत विविध वर्तमानपत्रामध्ये स्वयंसहाय्यता बचतगटाचे कार्य, त्यांचे उपक्रम याबाबत दिलेली प्रसिध्दी, त्यासाठी प्रसिध्द केलेल्या बातम्या, फोटो फिचर्स, लेखमाला, इत्यादी सर्वोत्कृष्ट प्रसार व प्रसिध्दी देणाऱ्या नांदेड जिल्ह्यातील एका पत्रकाराला शासनातर्फे राजमाता जिजाऊ स्वावलंबन पुरस्कार सन 2015-16 साठी  देण्यात  येणार आहे. त्यासाठी अर्ज करण्याचे आवाहन करण्यात आले आहे.  

00000000