वृत्त क्रमांक  1102

मृत्यू पावलेल्या मुद्रांक विक्रेत्यांच्या वारसांना मुद्रांक परवाना हस्तांतरीत 

अर्ज करण्याची मुदत 31 डिसेंबर 2025 पर्यंत 

नांदेड दि. 15 ऑक्टोबर :- राज्य शासनाच्या महसूल व वन विभागाने नैसर्गिक किंवा अन्य कारणामुळे मृत्यू पावलेल्या, बेपत्ता झालेल्या, शारीरिक व मानसिक अक्षमता व वृद्धत्वामुळे काम करुन न शकणाऱ्या तसेच अज्ञान वारस इत्यादी कारणांमुळे मुद्रांक विक्रेत्यांचा वारसांना मुद्रांक परवाना हस्तांतरीत विक्री करण्याबाबत शासन निर्णय 30 सप्टेंबर 2025 रोजी निर्गमीत केला आहे.  

हा शासन निर्णय निर्गमित केल्याच्या दिनांकापासून सहा महिन्यांच्या कालावधीत मुद्रांक परवानाधारकाच्या वारसांनी आवश्यक त्या कागदपत्रांसह संबंधित मुद्रांक जिल्हाधिकारी यांच्याकडे अर्ज करणे आवश्यक राहील. मुद्रांक विक्री परवाना हस्तांतरीत करण्यासाठी अर्ज करण्याची मुदत 31 डिसेंबर 2025 पर्यंत देण्यात आली आहे. अधिक माहिती व अटी व शर्तीसाठी हा शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला आहे. त्यांचा संकेतांक 202509301722286319 असा आहे. या शासन निर्णयाचा लाभ मयत मुद्रांक विक्रेत्यांच्या वारसांना मिळु शकेल असे आवाहन मुद्रांक जिल्हाधिकारी सुभाष निलावाड यांनी केले आहे. 

00000