स्वाधार योजनेची मुदतवाढ 31 डिसेंबरपर्यंत अनुसूचित जातीतील विद्यार्थ्यांनी लाभ घ्यावा

 स्वाधार योजनेची मुदतवाढ 31 डिसेंबरपर्यंत 

 अनुसूचित जातीतील विद्यार्थ्यांनी लाभ घ्यावा 

नांदेड दि. १७ डिसेंबर : वसतीगृहात प्रवेश मिळाला नाही म्हणून नाराज न होता खाजगी स्तरावर भोजन, निवास व इतर शैक्षणिक सुविधा उपलब्ध करून देणारी अनुसूचित जातींसाठीची लोकप्रिय योजना भारतरत्न डॉ. बाबासाहेब आंबेडकर स्वाधार योजनेसाठी 31 डिसेंबर पर्यंत मुदतवाढ देण्यात आली आहे. विद्यार्थ्यांनी ऑनलाइन अर्ज करण्याचे आवाहन सहाय्यक आयुक्त समाज कल्याण श्री. शिवानंद मिनगिरे यांनी केले आहे.

       महाराष्ट्र शासनाच्या सामाजिक न्याय व विशेष सहाय्य विभागाकडून अनुसूचित जाती व नवबौद्ध घटकातील विद्यार्थ्यांसाठी भारतरत्न डॉक्टर बाबासाहेब आंबेडकर स्वाधार योजना लागू करण्यात आली आहे. ज्या विद्यार्थ्यांना शासकीय वस्तीगृहामध्ये प्रवेश मिळू शकला नाही. त्या विद्यार्थ्यांना खाजगी स्तरावर राहण्यासाठी भोजन निवास व इतर शैक्षणिक सुविधा उपलब्ध करून देणारी ही योजना आहे.त्यामुळे या योजनेचा लाभ अनुसूचित जातीच्या मुलांनी घ्यावा,असे आवाहन करण्यात आले आहे.

       वसतीगृह स्तरावरून रिजेक्ट करण्यात आलेल्या विद्यार्थ्यांना व ज्या विद्यार्थ्यांनी वसती गृह स्तरावरून रिजेक्टचा अर्ज स्वाधार सर्विस ला कन्वर्ट किंवा वर्ग करावा म्हणून सहाय्यक आयुक्त समाज कल्याण नांदेड यांना विनंती अर्ज केला आहे. अशा सर्व विद्यार्थ्यांनी यासंदर्भात एडिट ऑप्शन आल्यानंतर स्वाधार सर्विस हे ऑप्शन निवडून स्वाधारला अर्ज भरावा. अर्जाची प्रिंट काढून स्वाधार सव्हीस हे ऑप्शन निवडून स्वाधारला अर्ज भरावा.

     शासन निर्णयातील निकषानुसार सर्व कागदपत्रे जोडून अर्जाची प्रिंट काढून स्वाधार शासन निर्णयातील निकषानुसार सर्व कागदपत्रे जोडून संबंधित महाविद्यालयातील समान संधी केंद्रात विहित कालावधीत अर्ज सादर करावेत. ज्या विद्यार्थ्यांनी अद्यापही अर्ज भरला नाही अशा सर्व विद्यार्थ्यांनी 31 डिसेंबर पर्यंत अर्ज भरून घ्यावे, असे आवाहन श्री. शिवानंद मीनगिरे सहाय्यक आयुक्त समाज कल्याण यांनी केले आहे.