आज अल्पसंख्यांक हक्क दिवस जिल्हाधिकारी कार्यालयात व्याख्यान नागरिकांनी व्याख्यानाचा लाभ घेण्याचे आवाहन

 आज अल्पसंख्यांक हक्क दिवस 

 जिल्हाधिकारी कार्यालयात व्याख्यान 

 नागरिकांनी व्याख्यानाचा लाभ घेण्याचे आवाहन 

नांदेड दि.१७ डिसेंबर : जगभरातील राष्ट्रीय वार्षिक धार्मिक आणि भाषिक अल्पसंख्यांकांच्या हक्काचे रक्षण करण्यासाठी सर्व समाजाने पुढे यावे असे आवाहन संयुक्त राष्ट्र संघटनेने केले आहे. 18 डिसेंबर हा जगभर अल्पसंख्यांक हक्क दिवस म्हणून साजरा केला जातो. निमित्त आयोजित व्याख्यानाला जिल्हाधिकारी कार्यालयात उद्या१८ डिसेंबरला अकरा वाजता उपस्थित राहण्याच्या आवाहन प्रशासनाने केले आहे.

        जगभरात विविध ठिकाणी विविध जाती, धर्म ,पंथ ,भाषिक समुदाय, अल्पसंख्यांक ठरतात. बहुसंख्यांकांमध्ये अल्पसंख्यांकांचे प्रतिनिधित्व व त्यांच्या न्याय हक्काचे रक्षण व्हावे यासाठी अशा समुदायांना अल्पसंख्याकांचा दर्जा दिला जातो. 18 डिसेंबर हा अल्पसंख्यांक हक्क दिवस म्हणून जगभर साजरा केला जातो. संयुक्त राष्ट्र संघटनेने 18 डिसेंबर 1992 रोजी राष्ट्रीय वार्षिक धार्मिक आणि भाषिक अल्पसंख्यांकांच्या हक्काचा जाहीरनामा स्वीकृत करून प्रस्तुत केला आहे.

      या दिवसाच्या निमित्ताने अल्पसंख्याकांना त्यांच्या घटनात्मक आणि कायदेशीर हक्काबाबत जाणीव किंवा माहिती करून दिली जाणार आहे. त्यानुसार 18 डिसेंबर 2024 रोजी जिल्हाधिकारी कार्यालय नांदेड येथे सकाळी 11 वाजता या संदर्भातील एक व्याख्यान आयोजित करण्यात आले आहे. मंत्रालयातील सेवानिवृत्त सहसचिव अॅडवोकेट देवेंद्रसिंग निर्मले, तसेच सामाजिक विज्ञान नारायणा ई टेक्नो स्कूल नांदेड येथील विभाग प्रमुख श्री. इर्शाद अहमद या दोन वक्त्यांचे व्याख्यान उद्या होणार आहेत. तरी अल्पसंख्यांक समुदायातील तसेच मागासवर्गीयातील समुदायांनी या व्याख्यानाला उपस्थित राहावे, असे आवाहन जिल्हाधिकारी अभिजीत राऊत यांनी केले आहे.

 उद्या बरोबर अकरा वाजता हा कार्यक्रम होणार आहे. या कार्यक्रमाला समाजातील सर्व अल्पसंख्यांक, अनुसूचित जाती, जमाती व विविध वर्गातील सर्व मान्यवर आमंत्रित आहेत.