30 ऑक्टोबर ते 5 नोव्हेंबर या कालावधीत

दक्षता जनजागृती सप्ताह साजरा करण्याचे निर्देश

नांदेड (जिमाका) दि. 27 :- सोमवार 30 ऑक्टोंबर ते  रविवार 5 नोव्हेंबर 2023 या  कालावधीत दक्षता जनजागृती सप्ताह साजरा करण्यात येणार आहे. या सप्ताहाकरिता ‘भ्रष्टाचाराला नाही म्हणा ; राष्ट्रासाठी वचनबध्द व्हा’ या संकल्पना निश्चित करण्यात आली आहे.

या सप्ताहाअंतर्गत विविध उपक्रमाचे आयोजन करण्यासंदर्भात 16 ऑक्टोबर 2023 रोजीच्या परिपत्रकान्वये विविध विभागांना निर्देशित करण्यात आले आहे. जिल्ह्यातील सर्व कार्यालय प्रमुखांनी परिपत्रकात नमूद केल्यानुसार कार्यवाही करुन अहवाल शासनास व जिल्हाधिकारी कार्यालयास सादर करावा, असे जिल्हाधिकारी कार्यालयाच्यावतीने कळवण्यात आले आहे.

00000