मराठवाडा मुक्ती संग्राम अमृत महोत्सवी वर्षानिमीत्त

मॅरेथॉन व जिल्हास्तर क्रीडा महोत्सवाचे आयोजन

 

नांदेड (जिमाका) दि. 15 :-जिल्हा प्रशासन व जिल्हा क्रीडा अधिकारी कार्यालय यांचे संयुक्त विद्यमाने मराठवाडा मुक्ती संग्राम अमृत महोत्सवी वर्षानिमीत्त 16 व 17 सप्टेंबर रोजी मॅराथॉन व जिल्हास्तरीय क्रीडा महोत्सव-2023 चे आयोजन करण्यात आलेले आहे. तरी मॅराथॉन स्पर्धा व जिल्हास्तर क्रीडा महोत्सवात जिल्हयातील खेळाडू, मुले-मुली, शालेय विद्यार्थी, शासकीय अधिकारी/ कर्मचारी, पुरुष व महिला आदीनी मोठया प्रमाणात सहभागी व्हावे, आवाहन जिल्हा क्रीडा अधिकारी जगन्नाथ लकडे यांनी केले आहे.

 

या स्पर्धाचा मुख्य उद्देश म्हणजे खेळाडूंच्या क्रीडा कौशल्याला वाव देण्यासाठी व भविष्यातील राष्ट्रीय, आंतरराष्ट्रीय खेळाडू निर्माण व्हावेत या उद्देशाने मॅरेथॉन व जिल्हास्तरीय क्रीडा महोत्सवाचे आयोजन करण्यात आले आहे.

मॅरेथॉन

16 सप्टेंबर 2023 रोजी सकाळी 7 वा. महात्मा फुले पुतळा (आयटीआय चौक) येथून सुरुवात होवून  शिवाजीनगर मार्गे बस स्टॅन्ड, कलामंदीर,  छ. शिवाजी महाराज पुतळा, जिल्हाधिकारी कार्यालय, चिखलवाडी कॉर्नर, ओव्हर ब्रीज, अण्णाभाऊ साठे चौक, व्ही.आय.पी.रोड, कुसुमताई सभागृह (आयटीएम कॉलेज), स्टेडीयम मार्ग, विसावा उद्यान हुतात्मा स्मारक येथे समाप्त होईल.

 

जिल्हास्तर क्रीडा महोत्सव

बास्केट बॉल क्रीडा स्पर्धा (17 मुले व खुला गट पुरुष व महिला) दिनांक 16 व 17 सप्टेंबर 2023   सकाळी 10 वा., बॅडमिंटन क्रीडा स्पर्धा  (खुला गट एकेरी व दुहेरी ) 17 सप्टेंबर 2023 रोजी सकाळी 10 वा. टेबल टेनिस क्रीडा स्पर्धा (खुला गट एकेरी व दुहेरी ) स्पर्धाचे आयोजन केले आहे.

 

या स्पर्धाचे आयोजन जिल्हा क्रीडा संकुल, स्टेडियम परीसर, गोकूळनगर, नांदेड येथे करण्यात आले आहे. या स्पर्धाचे बक्षीस वितरण कार्यक्रम 17 सप्टेंबर,2023 रोजी सांय 6 वा. करण्यात येणार आहे.

अधिक माहितीसाठी मॅरेथॉनसाठी आनंद जोंधळे (9511676818), बन्टी सोनसळे (9096051532), जिल्हास्तर क्रीडा महोत्सव अंतर्गत बास्केटबॉलसाठी विष्णु शिंदे (9767047525), बॅडमिंटनसाठी महेश वाखरडकर (9960052344), संजय चव्हाण (9860521534) व टेबलटेनिस करीता हनमंत नरवाडे (9604866253) यांचेशी संपर्क साधावा, असे आवाहन जिल्हा क्रीडा कार्यालयाने केले आहे.

0000