गोदावरी नदी परिसर विकास कामाचा खासदार प्रतापराव पाटील चिखलीकर यांनी घेतला आढावा

नांदेड, (जिमाका) दि. 24 :- नांदेडच्या पर्यटन क्षेत्राला नवी ओळख देऊ पाहणाऱ्या गोदावरी काठमार्ग आणि राज्यमार्ग 247चा लिंक रोड सुशोभीकरण प्रकल्प कामाचा खासदार प्रतापराव पाटील चिखलीकर यांनी आज आढावा घेतला. प्रस्तावित रस्ते विकास व सुशोभीकरण कामात गोदावरी नदीच्या काठावर एकुण 12 झोन देण्यात आले असून यात देगलूर नाका ब्रिजपासून पश्चिम वळण पुलापर्यंतच्या अंतराचा समावेश आहे.

जिल्हा पोलीस अधीक्षक श्रीकृष्ण कोकाटे, अप्पर जिल्हाधिकारी पांडुरंग बोरगावकर, उपजिल्हाधिकारी संतोषी देवकुळे, उपविभागीय अधिकारी विकास माने, जिल्हा परिषदेचे उपमुख्य कार्यकारी अधिकारी संजय तुबाकले, सार्वजनिक बांधकाम विभागाचे कार्यकारी अभियंता रोहित तोंदले, उपकार्यकारी अभियंता नाईक, मनपा उपायुक्त गिरीष कदम आदी उपस्थित होते. यात नदीच्या काठाने पादचारी मार्ग देण्यात आला असून ग्रीन झोन इकोपार्क आदी कामांचा अंतर्भाव आहे. नांदेडचे ऐतिहासिक वैभव म्हणून नांदेड किल्लाचा परिसर या कामात प्रस्तावित आहे. याचबरोबर विविध अध्यात्मिक स्थळांचाही विकास कामांबाबत खासदार प्रतापराव पाटील चिखलीकर यांनी आढावा घेतला.

000000