स्पर्धात्मक परीक्षेच्या तयारीसह कौशल्य विकासाच्या प्रशिक्षणाचीही जोड अत्यावश्यक

- माजी आमदार गंगाधर पटणे 

      जिल्हा ग्रंथालयात जागतिक ग्रंथ दिन साजरा 

नांदेड, (जिमाका) दि. 24 :- युवकांनी एखादे स्वप्न बाळगणे व ते साकार करण्यासाठी स्वत:ला झोकून देणे हे निश्चितच चांगले आहे. परंतू नौकरीसाठी स्पर्धात्मक परीक्षेच्या तयारीपूरतेच स्वत:ला मर्यादित करून घेणे हे अप्रत्यक्षरित्या आपण आपला घात करून घेतल्याचेच द्योतक आहे. पुस्तकी शिक्षणासमवेत आपल्या पारंपारिक चालत आलेल्या शेतीसह इतर व्यवसायाची काही कौशल्य अंगी आत्मसात करून घेणे तेवढेच आवश्यक असल्याचे प्रतिपादन माजी आमदार गंगाधर पटणे यांनी केले. 

जिल्हा ग्रंथालयात आयोजित करण्यात आलेल्या जागतिक ग्रंथदिन व मराठवाडा मुक्तिसंग्राम अमृत महोत्सवानिमित्त आयोजित करण्यात आलेल्या कार्यक्रमात ते बोलत होते. यावेळी जिल्हा माहिती अधिकारी विनोद रापतवार, जिल्हा ग्रंथालय अधिकारी प्रताप सुर्यवंशी व विद्यार्थी मोठ्या संख्येने उपस्थित होते. 

मराठवाडा मुक्तिसंग्रामाचे हे अमृत महोत्सवी वर्षे आहे. यानिमित्ताने युवकांनी आपआपल्या गावाशी निगडीत असलेला मुक्तिसंग्रामाचा इतिहास, संदर्भ हे वाचून घेतले पाहिजे, असे आवाहन त्यांनी केले. यावेळी जिल्हा माहिती अधिकारी विनोद रापतवार यांनी युवकांशी संवाद साधून मराठवाडा मुक्तिसंग्रामातील महत्त्वाचे टप्प उलगडून दाखविले. यावेळी कार्यक्रमाचे सुत्रसंचलन राजू वाघमारे यांनी केले तर गोविंद फाजगे यांनी कार्यक्रमाचे आभार व्यक्त केले. स्थानिक प्रकाशक व ग्रंथ विक्रेत्यांनी या ठिकाणी ग्रंथ प्रदर्शनही मांडले होते. कार्यक्रमाच्या यशस्वीतेसाठी के. एम. गाडेवाड, संजय पाटील, गजानन कळके, संजय सुरनर आदींने परिश्रम घेतेले.

0000