समता पर्व निमित्त संविधान जनजागृती 

नांदेड (जिमाका) दि. 19 :- सामाजिक न्याय व विशेष सहाय्य विभागातर्गंत समाज कल्याण कार्यालयाच्यावतीने 1 एप्रिल ते 1 मे 2023 या कालावधीत भारतरत्न डॉ. बाबासाहेब आंबेडकर सामाजिक समता पर्व अभियान राबविण्यात येत आहे. या अभियानातर्गंत सामाजिक न्याय विभागाच्या विविध योजना थेट जनतेपर्यत पोहोचविण्याच्या अनुषंगाने विविध उपक्रम राबविण्यावर भर देण्यात येत आहे.

 

सामाजिक समता पर्वा निमित्त 18 एप्रिल रोजी माजी न्यायमुर्ती तथा अनुसूचित जाती जमाती आयोगाचे अध्यक्ष सी.एल.थुल यांच्या हस्ते संविधान जनजागृती एलईडी व्हॅनला हिरवी झेंडी दाखवून सुरवात करण्यात आली. यावेळी सहाय्यक आयुक्त डॉ. तेजस माळवदकर, समाज कल्याण अधिकारी बापु दासरी व कार्यालयातील अधिकारी कर्मचारी यांची उपस्थिती होती. या एलईडी व्हॅनमार्फत ग्रामीण भागात व शहरात समता पर्व निमित्त संविधान जनजागृती करण्यात येत आहे.

0000