मिनी ट्रॅक्टर व उपसाधने पुरवठा योजनेच्या

प्रस्तावातील त्रुटींची पूर्तता करण्याचे आवाहन 

नांदेड (जिमाका) दि. 21 :- अनुसूचित जाती व नवबौद्ध घटकांच्या स्वयंसहाय्यता बचतगटांना मिनी ट्रॅक्टर व त्याची उपसाधने यांचा पुरवठा योजनेचे प्रस्ताव ऑनलाईन भरुन त्याची सत्यप्रत समाज कल्याण कार्यालयाकडे सादर केलेल्या 285 बचतगटांचे प्रस्ताव ऑनलाईन भरुन त्याची एक सत्यप्रत कार्यालयाकडे सादर केली आहे. ऑनलाईन प्रस्ताव सादर केलेल्या सर्व बचतगटांच्या प्रस्तावाची तपासणी केली असता, त्यामध्ये काही बचतगटाच्या प्रस्तावात त्रुटी आढळून आल्या आहेत. या बचतगटांनी त्यांच्या प्रस्तावातील त्रुटींची पूर्तता बुधवार 28 डिसेंबर 2022 पर्यंत ऑनलाईन करावी, असे आवाहन समाज कल्याण सहाय्यक आयुक्त डॉ. तेजस माळवदकर यांनी केले आहे. 

या योजनेअंतर्गत इच्छूक लाभार्थ्यांचे प्रस्ताव विहित नमुन्यात व शासन निर्णयातील अटी, शर्तींची पुर्तता करुन पात्र बचतगटांना लाभ देण्यात येतो.  ज्या बचत गटांच्या प्रस्तावामध्ये त्रुटी आढळून आलेल्या आहेत. अशा बचतगटांना ऑनलाईन त्यांच्या प्रस्तावातील त्रुटींबाबत संदेश पाठविण्यात आलेला आहे.

00000