दिव्यांग स्थानियस्तर समिती सदस्य पदासाठी अर्ज करण्याचे आवाहन 

नांदेड (जिमाका) दि. 20 :- नॅशनल ट्रस्ट कायदा 1999 अंतर्गत दिव्यांग (मतिमंद, स्वमग्न, मेंदुचा पक्षघात, मानसिक अपंगत्व, बहुविकलांग) यांना कायदेशीर पालकत्व देण्यासाठी जिल्हाधिकारी नांदेड यांच्या अध्यक्षतेखाली स्थानियस्तर समिती गठीत केली आहे. 

या समितीमध्ये नॅशनल ट्रस्ट मान्यताप्राप्त स्वयंसेवी संस्था (एक), दिव्यांग क्षेत्रातील अनुभवी दिव्यांग व्यक्ती (एक) याप्रमाणे सदस्य पदी नेमणुक करावयाची आहे. त्याकरीता पात्र संस्था व दिव्यांग व्यक्तींनी समाज कल्याण विभाग जिल्हा परिषद नांदेड यांच्याकडे शनिवार 31 जुलै 2021 पर्यंत अर्ज सादर करावीत, असे आवाहन जिल्हा समाज कल्याण अधिकारी नांदेड यांनी केले आहे.

*****