नवोदय विद्यालयाच्या प्रवेशासाठी

ऑनलाईन नोंदणीसाठी इच्छुकांनी पुढे यावे

जिल्हाधिकारी डॉ. विपीन यांचे आवाहन 

नांदेड (जिमाका) दि. 23 :- केंद्रीय नवोदय विद्यालयात वर्ग सहावीच्या प्रवेशासाठी 2021-22 या शैक्षणिक वर्षाकरिता ऑनलाईन नोंदणी सुरु केली असून यासाठी इच्छुकांनी पुढे यावे, असे आवाहन जिल्हाधिकारी डॉ. विपीन इटनकर यांनी केले आहे. केंद्रीय नवोदय विद्यालय आपल्या आदर्श शिक्षणासाठी ओळखल्या जाते. बिलोली तालुक्यातील शंकरनगर येथील जवाहर नवोदय विद्यालयातील इयत्ता 6 वी प्रवेशासाठी ऑनलाईन अर्ज करण्याची प्रक्रिया सुरु असून संबंधितांनी https://navodaya.gov.in या वेबसाईटवर वर विनामूल्य ऑनलाईन अर्ज करावेत. अर्ज करण्याची मुदत 15 डिसेंबर 2020 पर्यंत देण्यात आलेली आहे. ऑनलाईन अर्ज जिल्ह्यातील चालू शैक्षणिक वर्ष 2020-21 मध्ये इयत्ता 5 वी वर्गात शिक्षण घेत असलेल्या सर्व शासकीय/निमशासकीय मान्यताप्राप्त शाळेतील विद्यार्थ्यांना करता येतील.

0000