8 मार्च ते 9 एप्रिल या कालावधीत

महिलांसाठी तपासणी व औषधोपचार मोहिमेचे आयोजन

नांदेड दि. 6 :-  8 मार्च जागत्तिक महिला दिनाच्या अनुषंगाने श्री. गुरु गोबिंद सिंघजी स्मारक जिल्हा  रुग्णालय नांदेड मार्फत दि. 8 मार्च, 2019  ते 9 एप्रिल, 2019   या कालावधीमध्ये सर्व महिलांसाठी उच्चरक्तदाब, मधुमेह, रक्तगट, हिमोग्लोबिन, नेत्र तपासणी, मोतीबिंदू शस्त्रक्रिया तसेच सर्व प्रकारच्या कर्करोग (स्तनाचे, गर्भाशयाचे व मुखाचे ) तपासणी व औषधोपचाराच्या मोहिमेचे आयोजन करण्यात आलेले आहे.

या मोहिमे अंतर्गत जिल्ह्यातील सर्व ग्रामीण रुग्णालये, उपजिल्हा रुग्णालये, स्त्री रुग्णालय व जिल्हा रुग्णालयाद्वारे तपासणी करण्यात येणार आहे. तरी या तपासणी मोहिमेचा सर्व स्त्री रुग्णांनी लाभ घ्यावा असे आवाहन जिल्हा शल्य चिकित्सक डॉ. बी. पी. कदम, अतिरिक्त जिल्हा शल्यचिकित्सक डॉ. एन. आय. भोसीकर व  डॉ. डी. एन. हजारी यांनी केले आहे.

 तसेच दि. 8 मार्च, 2019 रोजी गुरु गोबिंद सिंघजी स्मारक जिल्हा रुग्णालय नांदेड येथून महिला आरोग्य जनजागृतीसाठी रॅलीचे आयोजन करण्यात आले आहे.

00000