महाडीबीटी पोर्टल प्रणालीमध्ये ऑनलाईन अर्ज भरण्यासाठी 10 मार्च, 2019 पर्यंत मुदतवाढ  

नांदेड दि. 6 :-   भारत सरकार शिष्यवृत्ती योजनेतंर्गत अनु. जाती, विजाभज,इमाव व विमाप्र प्रवर्गातील विद्यार्थ्यांना शैक्षणिक वर्ष 2018-2019 पासून महाडीबीटी पोर्टल कार्यान्वित करण्यात आलेली आहे. विद्यार्थ्यांनी www.mahadbtmahait.gov.in संकेतस्थळावरुन ऑनलाईन अर्ज भरुन अर्ज व आवश्यक कागदपत्रे संबंधित महाविद्यालयात सादर करणे आवश्यक आहे.

भारत सरकार शिष्यवृत्ती व शिक्षण शुल्क, परीक्षा शुल्क प्रतीपुर्ती योजनेतंर्गत महाडीबीटी पोर्टल प्रणालीमध्ये अनु. जाती प्रवर्गाच्या विद्यार्थ्यांना अर्ज भरण्यासाठी दिनांक 10 मार्च, 2019 पर्यंत मुदतवाढ देण्यात आली आहे.

सामाजिक न्याय व विशेष सहाय्य विभागाकडून अनु. जाती प्रवर्गाच्या विद्यार्थ्यांना राबविण्यात येणाऱ्या विविध शिष्यवृत्ती योजनेसाठी विद्यार्थ्यांनी वरील मुदतीच्या आत ऑनलाईन अर्ज व आवश्यक कागदपत्रे महाविद्यालयात सादर करावीत, असे समाज कल्याण सहाय्यक आयुक्त तेजस माळवदकर यांनी केले आहे.

00000