दुकाने, आस्थापना नियमाचा मसुदा प्रसिद्ध ;

सूचना, हरकती सादर करण्याचे आवाहन   

नांदेड, दि. 9 :- महाराष्ट्र दुकाने व आस्थापना (नोकरीचे व सेवाशर्तीचे विनिमय) अधिनियम, 2017 हा अधिनियम 19 डिसेंबर 2018 रोजी राज्यात लागू केला आहे. या अधिनियमाच्या अनुषंगाने मुसद्यास प्रसिद्धीस देण्याबाबत महाराष्ट्र दुकाने व आस्थापना (नोकरीचे व सेवाशर्तीचे विनियम) नियम 2017 या नियमांचा मसुदा अधिसुचनेद्वारे 2 फेब्रुवारी 2018 रोजी प्रसिद्ध करण्यात आला आहे.

या नियमांचा मसुदा शासनाच्या mahakamgar.maharashtra.gov.in या संकेतस्थळावर प्रसिद्ध करण्यात आला आहे. याबाबत सूचना व हरकती प्रधान सचिव (कामगार) किंवा कामगार आयुक्त यांच्याकडे 15 दिवसाच्या कालावधीत व्यक्तिश: किंवा टपालाने अथवा ई-मेलद्वारे सादर करण्याचे अधिसुचनेत नमूद केले आहे. या कालावधीनंतर प्राप्त होणाऱ्या सूचना व हरकतीचा विचार करण्यात येणार नाही, असे आवाहन नांदेडचे सहाय्यक कामगार आयुक्त बी. एम. मोरडे यांनी केले आहे.

00000