गारपीट,
आवकाळी पावसाची शक्यता ;
नागरिकांनी
सावधगिरी बाळगावी
नांदेड, दि. 9 :- दक्षिण मध्‍य महाराष्ट्र, मराठवाडा व
विदर्भातील बहुतांशी भागात येत्‍या रविवार 11 फेब्रुवारी पासुन गारपिट आणि अवकाळी
पावसाची शक्यता असल्‍याने नागरिकांनी सावधगिरी बाळगावी, असे आवाहन नांदेड जिल्हा
प्रशासनाच्यावतीने करण्यात आले आहे.
रविवार 11 फेब्रुवारी 2018 पासुन पुढील 48 तासात दक्षिण मध्‍य
महाराष्ट्र, मराठवाडा
व विदर्भातील काही ठिकाणी गारपीट, विजा
चमकण्‍याची व पावसाची शक्यता असल्‍यामुळे सावधगिरीच्‍या सुचना जिल्हा
प्रशासनातर्फे नागरीकांना दिल्या आहेत. शेतक-यांनी
त्‍यांच्‍या शेत आणि धान्‍यसाठयाची काळजी घ्यावी व कापलेले धान्‍य सुरक्षित ठिकाणी
ठेवावे. विजा चमकत
असतांना झाडाचा आसरा घेणे टाळावे व सावधगिरी बाळगावी. जिल्हा, उपविभाग व
तालुका ठिकाणी अवकाळी पाऊस उदभविल्‍यास स्‍थानीक प्रशासनास सतर्क राहण्‍याचे तथा
याबाबत वेळोवेळी कुठल्‍याही प्रकारची गरज पडल्‍यास जिल्हा प्रशासनाच्‍या वरीष्‍ठ
कार्यालयांना बिनाविलंब कळविण्‍याच्‍या सुचना दिल्या आहेत, असेही प्रसिद्धी
संदेशात म्हटले आहे.
00000
No comments:
Post a Comment