विधानपरिषद निवडणुकीतून

एका उमेदवाराकडून अर्ज मागे

नांदेड, दि. 4 :- महाराष्ट्र विधान परिषद, नांदेड स्थानीक प्राधिकारी मतदारसंघ निवडणूक-2016  साठी वैध ठरलेल्या तीन उमेदवारांपैकी एका उमेदवाराने आज आपला उमेदवारी अर्ज मागे घेतल्याची माहिती जिल्हा निवडणूक निर्णय अधिकारी नांदेड जिल्हा स्थानीक प्राधिकारी मतदारसंघ यांच्या कार्यालयाकडून देण्यात आली.

 वैधरित्या नामनिर्दिष्ट उमेदवारांमध्ये  अमरनाथ अनंतराव राजूकर (इंडियन नॅशनल काँग्रेस), गजानन श्रीराम पवार (अपक्ष), शिंदे शामसुंदर दगडोजी (अपक्ष) यांचा समावेश होता.  त्यापैकी गजानन श्रीराम पवार (अपक्ष ) यांनी आज आपला उमेदवारी अर्ज  मागे घेतला. निवडणूक कार्यक्रमाप्रमाणे उमेदवारी अर्ज मागे घेण्याची मुदत शनिवार 5 नोव्हेंबर 2016 रोजी दुपारी 3 वाजेपर्यंत आहे. 

0000000