Friday, February 21, 2025

वृत्त क्रमांक 208

आनंदी विकास यांची आज 

आकाशवाणीवर मुलाखत

नांदेड दि.२१ फेब्रुवारी : नवी दिल्ली येथे होणाऱ्या 98 व्या अखिल भारतीय मराठी साहित्य संमेलनाचे गीत नांदेडच्या सुप्रसिद्ध गायिका, संगीतकार आनंदी विकास यांनी संगीतबद्ध केले आहे. दिल्ली अ.भा.साहित्य संमेलनात आज या गीताचे सादरीकरण झाले या गीताला संगीतबद्ध करणाऱ्या नांदेडकर संगीतकार आनंदी विकास यांची आकाशवाणीवर आज अकरा वाजता मुलाखत प्रसारित होणार आहे.

नांदेड आकाशवाणी च्या 101.1 मेगाहटसवर शनिवारी ही मुलाखत श्रोत्यांना ऐकता येणार आहे. नांदेड आकाशवाणी व जिल्हा माहिती कार्यालय नांदेड यांनी या मुलाखतीची निर्मिती केली असून उद्या अकरा वाजता ही मुलाखत प्रसारित होणार आहे. नांदेडकर संगीतकाराला मिळालेली ही संधी व ज्येष्ठ गायकांना संगीतकार आनंदी विकास कसे संगीतबद्ध केले याबद्दलची माहिती या मुलाखतीतून ऐकायला मिळणार आहे.

जिल्हा माहिती अधिकारी प्रवीण टाके यांनी ही मुलाखत घेतली आहे. उद्या अकरा वाजता होणाऱ्या या प्रसारणाचा आनंद घ्यावा,असे आवाहन आकाशवाणीचे केंद्रप्रमुख विश्वास वाघमारे यांनी केले आहे. या गाण्यासाठी सुप्रसिद्ध गायक हरिहरन, शंकर महादेवन, मंगेश बोरगावकर, प्रियंका बर्वे,सागर जाधव, शमिमा अख्तार यांनी पार्श्वगायन केले आहे.या गीताचे संगीत संयोजन प्रथमेश कानडे, ध्वनिमुद्रन मन्मथ मठपती, ध्वनि मिश्रण आदित्य देशमुख यांनी केले आहे.

0000



No comments:

Post a Comment

अवयवदान चळवळीत महाराष्ट्राचा पुढाकार... अवयवदान पंधरवडा : दि. ३ ते १५ ऑगस्ट २०२५ मरणोत्तर सेवा ही जीवनोत्तर प्रतिष्ठा आहे! https://notto.abd...