वृत्त क्र. 963

शरीररचना शास्त्र विभागामार्फत वैद्यकिय महाविद्यालयात विद्यार्थ्यांना मार्गदर्शन

नांदेड दि. 20 ऑक्टोबर : डॉ. शंकरराव चव्हाण शासकीय वैद्यकीय महाविद्यालय विष्णपुरी येथे 18 ऑक्टोबर रोजी दरवर्षीप्रमाणे प्रथम वर्ष एम.बी.बी.एस. 2024 मध्ये प्रवेश घेतलेल्या विद्यार्थ्याना व पालकांना संबोधित व मार्गदर्शन करण्यासाठी अधिष्ठाता डॉ. सुधिर देशमुख यांच्या DEAN'S ADDRESS या कार्याक्रमाचे आयोजन शरीररचना शास्त्र विभागामार्फत नुकतेच करण्यात आले होते. 

या कार्यक्रमास अधिष्ठाता डॉ. सुधिर देशमुख, उपअधिष्ठाता डॉ. हेमंत गोडबोले, प्राध्यापक व स्त्री रोग विभागाचे विभागप्रमुख डॉ. एस. आर. वाकोडे, प्राध्यापक व सूक्ष्मजीवशास्त्राचे विभागप्रमुख डॉ. संजय मोरे, प्राध्यापक व शरीर विकृती शास्त्र विभागाचे विभागप्रमुख डॉ. मोहम्मद अब्दुल समीर, शरीररचना शास्त्र विभागाचे प्राध्यापक डॉ. वैशाली इनामदार, सहयोगी प्राध्यापक व शरीररचना शास्त्र विभागाचे विभागप्रमुख डॉ. अनिसुर रहेमान, प्राध्यापक व शरीरक्रिया शास्त्र विभागाचे डॉ. वंदना दुधमल, जीवरसायन शास्त्र विभागाचे विभागप्रमुख डॉ. गणेश मनुरकर, जनऔषध शास्त्र विभागाचे विभागप्रमुख डॉ. इस्माईल इनामदार यांची प्रमुख उपस्थिती होती.   

अधिष्ठाता डॉ. सुधिर देशमुख साहेब यांनी प्रथम वर्ष एम.बी.बी.एस. 2024 मध्ये प्रवेश घेतलेल्या विद्यार्थ्याना व पालकांना संबोधित व मार्गदर्शन केले. त्यांनी अगोदर नव्याने प्रवेशित केलेल्या विध्यार्थ्यांचे व त्यांच्या पालकांचे अभिनंदन केले. त्यांनी डॉ. शंकरराव चव्हाण शासकीय वैद्यकीय महाविद्यालयाबाबत माहिती दिली. वैद्यकीयक्षेत्रात नवीन घडत असलेल्या संशोधनाबाबत अवगत केले. विद्यार्थ्यांना वैद्यकीय क्षेत्रात संशोधनाद्वारे भारताचे नाव जागतिक स्तरावर नेण्याचे आवाहन केले. आपल्या भारत देशाला जगासमोर एक महाशक्ती म्हणून पुढे येण्यासाठी मदत होईल, असेही त्यांनी त्यांच्या भाषणात सांगितले. 

या कार्यक्रमाची सुरुवात व सूत्रसंचालन सहाय्यक प्राध्यापक शरीररचना शास्त्र विभागाचे डॉ. महेश शिंदे यांनी केले. कार्यक्रमाची सुरुवात धन्वंतरी मूर्ती पूजन करून व तसेच दीपप्रज्वलन व वृक्षाला पाणी घालून करण्यात आले. या संस्थेबद्दल थोडक्यात माहिती व कार्यक्रमाची प्रस्तावना शरीररचना शास्त्र विभागाचे सध्याचे विभाग प्रमुख डॉ. अनिसुर रहेमान यांनी केले. RAGGING संदर्भात थोडक्यात माहिती डॉ. गणेश मनुरकर यांनी दिली. नाशिक विद्यापीठ अंतर्गत प्रवेश व परीक्षा संदर्भाची माहिती डॉ. सुधा करडखेडकर यांनी दिली. डॉ. वंदना दुधमल यांनी परीक्षेसंदर्भात तसेच मुलांची हजेरी व शिस्ती संदर्भात मार्गदर्शन केले. डॉ. इस्माईल इनामदार यांनी NMC (राष्ट्रीय वैध्यकीय आयोग) व प्रथम वर्षीय एम.बी.बी.एस. CURRICULUM (अभ्यासक्रम ) याबद्दल थोडक्यात माहिती दिली. 

या कार्यक्रमात इतर प्राध्यापक वर्ग तसेच विद्यशाखेचे कर्मचारी उपस्थित होते. या कार्यक्रमांचे आयोजन शरीररचनाशास्त्र विभागाद्वारे करण्यात आले होते. शेवटी आभार शरीररचना शास्त्र विभागाचे सहाय्यक प्राध्यापक डॉ. पूर्वा कर्डिले यांनी केले.

0000