प्रगतशील शेतकरी, महिला बचतगटासह
उत्पादक कंपन्यांचा होणार सत्कार
शेतकरी सन्मान दिवसाचे शुक्रवारी आयोजन
नांदेड (जिमाका) दि. 2 :- मराठवाडा मुक्‍तीसंग्राम दिनाचे अमृत महोत्‍सवी वर्षानिमित्‍त व आंतरराष्‍ट्रीय पौष्टिक तृणधान्‍य वर्ष 2023 चे औचित्‍य साधून 1 ते 5 मार्च 2023 या कालावधी नांदेड जिल्हा कृषि महोत्‍सवाचे आयोजन कृषि विभाग, आत्‍मा व महिला आर्थिक विकास महामंडळ यांचे संयुक्‍त विद्यमाने, कृषि उत्‍पन्‍न बाजार समिती, नवा मोंढा, नांदेड येथे करण्‍यात आले आहे. या महोत्‍सवात विविध कार्यक्रमाचे आयोजन करण्‍यात आले आहे. शुक्रवार 3 मार्च 2023 रोजी शेतकरी सन्मान दिवस साजरा करण्‍यात येणार आहे.
या दिवशी जिल्‍हयातील 16 प्रगतशील शेतकऱ्यांचा सपत्‍नीक सन्मान व जिल्‍हयातील 16 महिला बचत गट व 5 शेतकरी उत्पादक कंपन्यांचा सत्कार खासदार प्रतापराव पाटील चिखलीकर यांचे हस्‍ते करण्‍यात येणार आहे. या कार्यक्रमासाठी सर्वानी उपस्थित रहावे, असे आवाहन जिल्हा अधिक्षक कृषि अधिकारी तथा प्रकल्‍प संचालक (आत्‍मा) रविशंकर चलवदे यांनी केले आहे.
0000
No comments:
Post a Comment