कला प्राविण्यासाठीच्या वाढीव गुणाबाबत
प्रस्ताव सादर करण्यास मुदतवाढ
नांदेड (जिमाका) दि. 17 :- इयत्ता दहावीच्या विद्यार्थ्यांना मार्च 2023 च्या परीक्षेस प्रविष्ठ होणाऱ्या विद्यार्थ्यांना शास्त्रीय कला, चित्रकला व लोककला प्रस्ताव सादर करण्यास 20 मार्च 2023 रोजी सायं. 5 वाजेपर्यंत मुदतवाढ देण्यात आली आहे.
शासन निर्णयानुसार इयत्ता दहावी परीक्षेस प्रविष्ठ होणाऱ्या शास्त्रीय कला, चित्रकला क्षेत्रात प्राविण्य मिळविणाऱ्या व लोककला प्रकारात सहभागी होणाऱ्या विद्यार्थ्यांना सवलतीचे अतिरिक्त गुण देण्याबाबत कळविले आहे. काही तांत्रिक अडचणींमुळे निर्धारीत करण्यात आलेल्या वाढीव मुदतीत माध्यमिक शाळांना अतिरिक्त गुणांचे प्रस्ताव सादर करता आले नसल्याने तसेच कोणताही पात्र विद्यार्थी अतिरिक्त गुणांपासून वंचित राहू नये म्हणून 20 मार्च 2023 पर्यंत मुदतवाढ देण्यात आली आहे. ही मुदतवाढ अंतिम असेल यानंतर मुदतवाढ दिली जाणार नाही. या मुदतीत सर्व विभागीय मंडळ व सर्व माध्यमिक शाळांनी कार्यवाही करावी, असे निर्देश शालेय शिक्षण मंडळाने दिले आहेत.
00000
No comments:
Post a Comment