कृषी कार्यालयात आरोग्य तपासणी शिबिर संपन्न

नांदेड (जिमाका) दि. 26 :- जिल्हा रुग्णालयाच्यावतीने आझादी का अमृत महोत्सवा निमित्त जिल्हा शल्यचिकित्सक डॉ. निळकंठ भोसीकर यांच्या मार्गदर्शनाखाली आज जिल्हा अधीक्षक कृषी कार्यालयात आरोग्य तपासणी शिबीर घेण्यात आले. या शिबिरामध्ये अधिकारी व कर्मचारी मिळून एकूण ४५ जणांची आरोग्य तपासणी करण्यात आली.

या कार्यक्रमास राष्ट्रीय तंबाखू नियंत्रण कार्यक्रमाचे जिल्हा सल्लागार डॉ. साईप्रसाद शिंदे यांची उपस्थिती होती.  यावेळी त्यांनी अधिकारी व कर्मचारी यांना तंबाखू सेवनामुळे मानवी आरोग्यावर होणारे दुष्परिणाम याबद्दल मार्गदर्शन केले. या कार्यक्रमास सहाय्यक प्रशासन अधिकारी एस.बी.बोरा, अधीक्षक पांडुरंग बिरादार व अधिकारी व कर्मचारी यांची उपस्थिती होती.

या शिबिरास जिल्हा रुग्णालयातील वैद्यकीय अधिकारी डॉ. विखारुनिसा खान, डॉ. उमेश मुंडे, मानसशास्त्रज्ञ प्रकाश आहेर, आरोग्य समुपदेशक सुवर्णकार सदाशिव, अधिपरिचारिका श्रीमती शिल्पा सोनाळे, इ. उपस्थित राहून कर्मचाऱ्यांच्या आरोग्याची तपासणी केली.

0000