शासकीय तंत्रनिकेतन नांदेड येथे

क्रांतीज्योती सावित्रीबाई फुले यांची जयंती साजरी 

नांदेड (जिमाका) दि. 6 :- क्रांतीज्योती सावित्रीबाई फुले यांची जयंती शासकीय तंत्रनिकेतन नांदेड येथील महिला अधिकारी-कर्मचाऱ्यांना पुष्पगुच्छ देऊन साजरी करण्यात आली. शासकीय तंत्रनिकेतन नांदेड येथील कर्मशाळा विभागातर्फे कॉन्फरन्स हॉल येथे नुकतेच सावित्रीबाई फुले यांच्या प्रतिमेस पुष्पहार अर्पण करून अभिवादन करण्यात आले. या कार्यक्रमाच्या अध्यक्षस्थानी संस्थेचे प्राचार्य डॉक्टर जी. व्ही. गर्जे होते. 

यावेळी संस्थेतील महिला अधिकारी-कर्मचाऱ्यांनी माता सावित्रीबाई फुले यांचे जीवन चरित्र व महान कार्याचे वर्णन करुन मनोगत व्यक्त केले. प्राचार्य गर्जे यांनी सावित्रीबाई फुले यांच्या जीवनावर सविस्तर मार्गदर्शन करून महिलांचा सन्मान केला पाहिजे तसेच सध्याची परिस्थिती विषयी माहिती सांगून मार्गदर्शन केले. श्रीमती देवशी, श्रीमती जाधव, श्रीमती प्रा. भोकरे, श्रीमती प्रा. साळुंखे, श्रीमती प्रा. सायर, श्री. सरोदे प्र.शा.स. या सर्वांनी सावित्रीबाई फुले व सध्याची परिस्थिती यावर मनोगत व्यक्त केले. कार्यक्रमाचे प्रमुख पाहुणे प्रबंधक श्रीमती कदम यांनी महिलांची सध्याची परिस्थिती, त्यावरील उपाय व त्यांच्या प्रश्नांविषयाची माहिती दिली. यावेळी संस्थेतील महिला कर्मचाऱ्यांनी स्त्रीशिक्षण जनजागृती व सबलीकरण करण्याचा संकल्प घेतला. सूत्रसंचालन निदेशक डी. आर. सरकटे यांनी केले. कर्मशाळा अधीक्षक डी. जे. चव्हाण यांनी उपस्थितांचे आभार मानले.

00000