सुट्टीच्या दिवशी पक्की अनुज्ञप्ती चाचणी सुरु   

नांदेड (जिमाका) दि. 8 :- पक्की अनुज्ञप्ती (Driving License) चाचणीसाठी उशीराने अपॉईंटमेंट मिळत असल्याने प्रतिक्षा कालावधी वाढला आहे. हा कालावधी कमी करुन नागरिकांची गैरसोय कमी करण्याच्या दृष्टीने व लॉकडाऊन कालावधीतील प्रलंबित पक्क्या अनुज्ञप्ती चाचण्यांचा नियमन करण्यासाठी प्रादेशिक परिवहन कार्यालयामर्फत 9, 16, 23 व 30 ऑक्टोबर 2021 शनिवार या सुट्टीच्या दिवशी पक्की अनुज्ञप्ती चाचणीसाठी नांदेड प्रादेशिक परिवहन कार्यालयात शिबीराचे आयोजन करुन एक दिवस आगोदर अपॉईंटमेंट उपलब्ध करुन देण्यात येणार आहे. त्यानुसार अर्जदारांनी ऑनलाईन उपलब्ध असलेली अपॉईंटमेंट घ्यावी व त्यादिवशी चाचणीसाठी कार्यालयात उपिस्थत रहावे, असे आवाहन प्रादेशिक परिवहन अधिकारी नांदेड यांनी केले आहे.

000000