वाचन प्रेरणा दिनानिमित्त शासकीय जिल्हा ग्रंथालयात ग्रंथप्रदर्शनाचे उद्घाटन 

नांदेड (जिमाका) दि. 17 :- माजी राष्ट्रपती स्व. डॉ.  ए. पी. जे. अब्दूल कलाम यांचा जन्मदिवस 'वाचन प्रेरणा दिन' म्हणून साजरा करण्यात येतो. यानिमित्त येथील जिल्हा ग्रंथालय अधिकारी कार्यालयात डॉ. ए. पी. जे. अब्दूल कलाम यांनी लिहिलेले साहित्य व स्पर्धा परीक्षा विषयक ग्रंथाचे प्रदर्शन आयोजीत करण्यात आले होते. या ग्रंथप्रदर्शनाचे उद्घाटन लेखाधिकारी (शिक्षण) प्रताप भंडारे यांच्या हस्ते करण्यात आले. 

यावेळी जिल्हा ग्रंथालय अधिकारी प्रताप सुर्यवंशी, संजय कारले, संजय पाटील, कांताबाई सुर्यवंशी, रामगडीया महाराज, राजू कदम, इसादकर यांची प्रमुख उपस्थिती होती. हे ग्रंथप्रदर्शन सर्वांसाठी खुले असून या ग्रंथप्रदर्शनाचा लाभ घ्यावा, असे आवाहन जिल्हा ग्रंथालय अधिकारी प्रताप सुर्यवंशी यांनी केले.

000000