21 मार्चला होणाऱ्या राज्यसेवा लोकसेवा आयोगाच्या

राज्यसेवा पूर्व परीक्षेसाठी जिल्हा प्रशासनाकडून नियोजन

नांदेड (जिमाका), 12 :- राज्य लोकसेवा आयोगाचे सहसचिव यांच्या निर्देशानुसार महाराष्ट्र लोकसेवा आयोगामार्फत राज्यसेवा पूर्व परीक्षा-2020 चे रविवार 21 मार्च 2021 रोजी आयोजन करण्यात आले आहे. यानुसार परीक्षेसाठी आवश्यक ते सर्व नियोजन जिल्हा प्रशासनामार्फत केले गेले आहे. 

या परीक्षेसाठी जिल्हाधिकारी कार्यालयाचे आदेशान्वये रविवार 14 मार्च रोजीच्या परीक्षेकामी नियुक्त करण्यात आलेले अधिकारी-कर्मचारी हे 21 मार्च 2021 रोजीच्या परीक्षेचे नियुक्ती मिळालेल्या व परीक्षा उपकेंद्रावर सोपविलेले काम करतील. या आदेशात कोणताही बदल होणार नाही. सदर आदेश दि. 21 मार्च 2021 रोजीच्या परीक्षेसाठी कायम राहतील. तसेच विषयांकीत परीक्षेच्या अनुषंगाने 20 मार्च 2021 रोजी नियुक्ती मिळालेल्या परीक्षा उपकेंद्रावर सकाळी 11 वा. उपस्थित रहावे. जे अधिकारी / कर्मचारी परीक्षा कामी परीक्षा उपकेंद्रावर गैरहजर राहतील त्यांची गंभीर दखल घेण्यात येईल याची परीक्षाकामी नियुक्ती अधिकारी/ कर्मचाऱ्यांनी नोंद घ्यावी, असे निर्देश जिल्हा प्रशासनाने दिले आहेत.

000000