वृत्त क्र. 635  

पिक कापणी प्रयोगासाठी

मोबाईल ॲपचा वापर महत्वाचा  

-         जिल्हा अधिक्षक कृषि अधिकारी चलवदे

नांदेड दि. 11 (जिमाका) :- पिक कापणी प्रयोगासाठी मोबाईल ॲपचा वापर करुन गावपातळीवरील पिक कापणी समितीचा सहभाग महत्वाचा आहे, असे आवाहन जिल्हा अधिक्षक कृषि अधिकारी आर.बी. चलवदे यांनी केले.

जिल्हयातील महसुल, जिल्हा परिषद, कृषि विभागातील अधिकारी व कर्मचाऱ्यांना कृषि विभागामार्फत निवासी उपजिल्हाधिकारी डॉ. सचिन खल्लाळ यांच्या अध्यक्षतेखाली पिक कापणी प्रयोगाचे प्रशिक्षण दोन सत्रात जिल्हाधिकारी कार्यालयात नुकतेच संपन्न झाले. त्यावेळी ते बोलत होते.

या प्रक्षिणास कृषि विकास अधिकारी एस. बी. नादरे, तहसीलदार सौ. पागंरकर, तंत्र अधिकारी पी. ए. गायके यांच्या उपस्थितीत जिल्हातील प्रांत अधिकारी, निवासी नायब तहसिलदार, मंडळ अधिकारी, उपविभागीय कृषि अधिकारी, कृषि अधिकारी (ता.कृ.अ), कृषि पर्यवेक्षक (सांख्यिकी ), कृषि अधिकारी (पं. स.) कृषि विस्तार अधिकारी (जि.प.) यांची उपस्थिती होती.

निवासी उपजिल्हाधिकारी डॉ. सचिन खल्लाळ यांनी प्रशिक्षणार्थींना पिक कापणी प्रयोगाबाबत सविस्तर माहिती दिली.  पिक कापणी प्रयोगाद्वारे मिळणाऱ्या आकडेवारीचे महत्व यावेळी सांगितले. कोरोनाच्या पार्श्वभुमीवर सोशल डिस्टन्सिंगचे पालन करण्यात आले. प्रशिक्षणार्थ्यांची संख्या जास्त होत असल्याने हे प्रशिक्षण तालुकास्तरावर आयोजित करण्यात येणार असल्याची माहिती यावेळी देण्यात आली.  

00000