वृत्त क्र. 637   

जास्त व्यक्तींची वाहतूक करणाऱ्या

वाहनधारकांना 76 हजार 800 रुपयाचा दंड   

नांदेड (जिमाका) दि. 11 :- जिल्ह्यात 8 ते 10 जुलै दरम्यान वाहतुकीमध्ये परवानगी पेक्षा जास्त व्यक्तींची वाहतूक करणाऱ्या 248 वाहनधारकांकडून 76 हजार 800 रुपयांचा दंड प्रादेशिक परिवहन कार्यालयाच्या तपासणी मोहिमेतील दोन पथकांमार्फत वसूल करण्यात आला आहे.   

कोरोना विषाणुंचा प्रादुर्भाव रोखण्यासाठी प्रतिबंधात्मक उपाययोजनेच्या अनुषंगाने जिल्हादंडाधिकारी डॉ. विपीन इटनकर यांनी नांदेड जिल्ह्यात “मिशन ब्रेक द चेन” अंतर्गत आदेश निर्गमीत केले आहेत. या आदेशाची जिल्हाभर कडक व काटेकोर अंमलबजावणी केली जात आहे. तसेच दोषींविरुद्ध तात्काळ कारवाई सुरु आहे. सार्वजनिक ठिकाणी चेहऱ्यावर मास्‍क परिधान न केल्यास व  सामाजिक अंतराचे पालन न केल्यास दंड ठोठावला जात आहे.

कोरोना विषाणूचा प्रादुर्भाव रोखण्यासाठी प्रतिबंधात्मक उपाययोजनेंतर्गत दिलेल्या सुचनांचे काटेकोरपणे पालन करावे. जनतेने कुठल्याही अफवावर विश्वास ठेवू नये, कुठल्याही प्रकारची शंका, भिती मनात न बाळगता सुरक्षिततेची काळजी घ्यावी, असे आवाहन उपप्रादेशिक परिवहन अधिकारी नांदेड यांनी केले आहे.

000000