जिल्हा परिषद अनुकंपा धारकांची

प्रतिक्षा यादी प्रसिद्ध ;

आक्षेप पुराव्यासह सादर करण्याचे आवाहन

नांदेड दि. 16 :-  अनुकंपा तत्वावरील नियुक्तीसाठी जिल्हा परिषदेच्या सामान्य प्रशासन विभागाने नुकतीच 379 अनुकंपा धारकांची प्रतिक्षा यादी जिल्हा परिषद नांदेडच्या www.zpnanded.in या संकेतस्थळावर प्रसिद्ध  केली आहे. तसेच जिल्हा परिषदेच्या व नांदेड जिल्ह्यातील सर्व पंचायत समिती कार्यालयातील आवाराच्या भिंतीवर प्रसिद्ध करण्यात आली आहे.

पूर्ण / अपुर्ण प्रतिक्षा यादी 31 डिसेंबर 2019 अखेरपर्यंत प्राप्त प्रस्तावाप्रमाणे घोषित करण्यात आली आहे. घोषित केलेल्या यादीतील ज्या उमेदवाराचे प्रस्ताव अपूर्ण आहेत अशा अनुकंपा धारकांनी कागदपत्रांची पुर्तता केली नाही. अथवा जेष्ठतेबाबत काही आक्षेप असल्यास संबंधीत अनुकंपा धारकांनी सोमवार 23 मार्च 2020 पूर्वी त्यांचे म्हणणे लेखी पुरवानिशी जिल्हा परिषदेच्या सामान्य प्रशासन विभागास सादर करावी. त्यानंतर आलेल्या आक्षेपाचा विचार करण्यात येणार नाही याची दक्षता घ्यावी, असे आवाहन उपमुख्य कार्यकारी अधिकारी (सामान्य) जिल्हा परिषद नांदेड यांनी केले आहे.

00000