तहसिल इमारत परिसरात घाण
करणाऱ्या व्यक्तींवर कारवाई
नांदेड दि. 31 :- नांदेड
तहसिल कार्यालयाच्या मध्यवर्ती प्रशासकिय इमारत परिसरात घाण करणाऱ्या व्यक्तींना
तहसिलदार डॉ. अरुण जऱ्हाड यांनी स्वच्छतेचे,
परिसराचे महत्व समजावून सांगीतले. त्यानंतर
पकडलेल्या
या लोकांना समज देऊन यापूढे घाण करणार
नसल्याचे हमीपत्र घेण्याची
कारवाई करुन त्यांना सोडण्यात आले.
याबाबत
तहसिलदार डॉ. ज-हाड यांनी परीसरातील लोकांना
आवाहन केले की,
यापुढे अशा लोकांवर मुंबई पोलीस अधिनियमानूसार कारवाई करण्यात येणार आहे. स्वच्छतेसाठी नायब तहसिलदार व विस्तार
अधिकारी यांचे नेतृत्वाखाली पथक तयार
करुन स्वच्छता राखण्यात येणार आहे.
या इमारतीच्या
मागील भागास मोकळी जागा असून तेथे
काही पुरुष, महिला
सकाळच्या प्रातः विधीसाठी उपयोग करीत होते त्यामुळे
परिसरात
घाणीचे साम्राज्य पसरले होते. त्यामूळे कार्यालयीन
कर्मचारी व येणारे नागरीक यांच्या आरोग्यास धोका निर्माण
झाला होता. 31 डिसेंबर रोजी सकाळी 5 ते 7 या वेळेत जिल्हाधिकारी अरुण
डोंगरे व उपविभागिय अधिकारी लतीफ पठाण यांचे मार्गदर्शनाखाली तहसिलदार डॉ. अरुण
ज-हाड, मंडळ अधिकारी अनिरुध्द जोंधळे ,तलाठी उमाकांत भांगे, आकाश कांबळे, वाहनचालक जहीद व कोतवाल बालाजी सोनटक्के यांच्या मदतीने मध्यवर्ती प्रशासकीय इमारत
परिसरात 8 व्यक्तीवर कारवाई केली. या व्यक्तींना गुरुव्दारा
पोलीस चौकीतील कर्मचारी एम. एस.
आवरतीरक व इतर
दोन कर्मचाऱ्यांचे सहाय्याने ताब्यात घेवून
पोलीस चौकीत नेले होते.
0000
No comments:
Post a Comment