संगणक प्रणालीत सुधारणेचे काम सुरु

सातव्या वेतन आयोगानुसार

निवृत्तीवेतनधारकांना लवकरच वेतन

नांदेड, दि.28 :- राज्य शासनाच्या आदेशानुसार निवृत्तीवेतन धारकांच्या जानेवारी 2016 ते डिसेंबर 2018 या कालावधीच्या सातव्या वेतन आयोगानुसार वाढीव निवृत्तीवेतनाचा पहिला हप्ता प्रदान करण्याचे काम जिल्हा कोषागारामध्ये चालू आहे. संगणक प्रणालीमधील  त्रटीमूळे मासिक निवृत्तीवेतनाच्या वेतन आयोगाच्या पहिल्या हप्त्यासह, प्रदानास दोन-तीन दिवस विलंब होण्याची शक्यता आहे. संगणक प्रणालीत सुधारणेचे काम सुरु असून लवकरात लवकर निवृत्तीवेतन धारकांचे वेतन आयोगाच्या  हप्त्यांसह प्रदान करण्यात येईल, असे आवाहन जिल्हा कोषागार अधिकारी नांदेड यांनी केले आहे.

00000

बचतगटांना मिनी ट्रॅक्टर योजनेतील अर्जाच्या त्रुटीची पूर्तता करण्याचे आवाहन

           नांदेड, दि. 29 :- मिनी ट्रॅक्टर व त्याची उपसाधनांचा पुरवठा योजनेत अनुसूचित जाती व नवबौद्ध  घटकांच्या स्वयंसाहय्यता बचत गटांनी केलेल्या अर्जात त्रुटींची पूर्तता संपूर्ण कागदपत्रांसह बुधवार 10 जुलै 2019 पर्यंत सहाय्यक आयुक्त समाज कल्याण डॉ. बाबासाहेब आंबेडकर सामाजिक न्यायभवन ज्ञानमाता शाळेसमोर नांदेड येथे सादर करावीत, असे आवाहन नांदेड समाज कल्याणचे सहाय्यक आयुक्त तेजस माळवदकर यांनी केले आहे.

राज्य शासनाच्या सामाजिक न्याय व विशेष सहाय्य विभागाच्यावतीने अनुसूचित जाती व नवबौद्ध  घटकांच्या  स्वयंसाहय्यता बचत गटांना 90 टक्के अनुदानावर 9 ते 18 अश्वशक्तीचे  मिनी ट्रॅक्टर व त्याची उपसाधनांचा पुरवठा करण्याची योजना कार्यान्वित आहे. या लाभाचे हस्तांतर रोख स्वरुपात थेट लाभार्थ्यांच्या बँक खात्यात जमा करण्यात येते.  

सन 2018-19 या वर्षात ज्या बचत गटांनी मिनी ट्रॅक्टर व त्याची उपसाधने मिळविण्यासाठी केलेल्या अर्जांची तपासणीत अर्जात त्रुटी आढळून आल्या आहेत. या त्रुटींची यादी कार्यालयाच्या सूचना फलकावर दर्शनी ठिकाणी लावण्यात आली आहे. अर्जातील त्रुटींची पूर्तता 10 जुलै 2019 पर्यंत कार्यालयीन वेळेत करुन घ्यावी. अन्यथा आपला अर्ज अपात्र ठरवून ईश्वर चिट्ठीने निवड प्रक्रियेत आपल्या बचत गटाचा सहभाग राहणार नाही. तसेच याबाबत आपला कुठलाही दावा मान्य करण्यात येणार नाही, असेही आवाहन समाज कल्याणचे सहाय्यक आयुक्त यांनी केले आहे.

000000

जिल्ह्यात सामाजिक न्याय विभागाच्या

शासकीय वसितगृहातील प्रवेश प्रक्रिया सुरु

नांदेड, दि. 29 :- राज्य शासनाच्या सामाजिक न्याय व विशेष सहाय्य विभागामार्फत शैक्षणिक वर्षे 2019-20 साठी जिल्ह्यातील विविध शासकीय वसतिगृहात रिक्त जागेसाठी इयत्ता आठवी, अकरावी, पदवी व पदविका प्रथम वर्षे या शैक्षणिक वर्षात विद्यार्थ्यांच्या प्रवेशासाठी प्रवेश अर्ज वाटप सुरु आहेत. प्रवेशित विद्यार्थ्यांना नियमानुसार मोफत निवास, भोजन व्यवस्था व इतर भत्ते मिळतील. जिल्ह्यातील गरीब व होतकरु विद्यार्थ्यांनी शासकीय वसतिगृहात प्रवेश प्रक्रियेचा लाभ घ्यावा, असे आवाहन शासकीय वसतिगृहांचे गृहपाल यांनी केले आहे.

मागासवर्गीय मुलांचे शासकीय वसतिगृह तहसिल कार्यालय जवळ नायगाव, डॉ. बाबासाहेब आंबेडकर मागासवर्गीय मुलांचे शासकीय वसतिगृह रविंद्रनगर बिलोली, मागासवर्गीय मुलांचे शासकीय वसतिगृह सरकारी दवाखान्याजवळ अर्धापूर, डॉ. बाबासाहेब आंबेडकर मागासवर्गीय मुलांचे शासकीय वसतिगृह गुजराती भवन धर्माबाद, मागासवर्गीय मुलांचे शासकीय वसतिगृह किनवट रोड भोकर, डॉ. बाबासाहेब आंबेडकर मागासवर्गीय मुलांचे शासकीय वसतिगृह आनंदनगर नांदेड या वसतिगृहात रिक्त जागेसाठी प्रवेश प्रक्रिया पुढील वेळापत्रकानुसार ऑफलाईन पद्धतीने होणार आहे.

शासकीय वसतीगृहाचे सन 2019-20 साठी प्रवेशाचे वेळापत्रक

शालेय विद्यार्थ्यांसाठी :- ऑफलाईन (मॅन्युली) प्रवेशासाठी अर्ज करावयाचा कालवधी 15 जून ते 4 जुलै 2019. पहिली निवड यादी अंतिम व प्रसिद्ध करणे 8 जुलै 2019. पहिल्या निवड यादीनुसार विद्यार्थ्यांच्या प्रवेशाची अंतिम मुदत 21 जुलै 2019 पर्यंत.  रिक्त जागेवर प्रतिक्षा यादीतील विद्यार्थ्यांची गुणवत्तेनुसार निवड यादी प्रसिद्ध करणे 22 जुलै 2019, दुसऱ्या निवड यादीतील विद्यार्थ्यांना प्रवेश देणे 31 जुलै 2019 पर्यंत. पहिल्या व दुसऱ्या निवड यादीखेरीज जागा रिक्त राहिल्यास स्पॉट ॲडमिशन देणे 5 ऑगस्ट 2019 पर्यंत राहिल.

इयत्ता दहावी व 11 वी नंतरच्या अभ्यासक्रमामध्ये प्रवेश घेतलेल्या विद्यार्थ्यांसाठी (व्यावसायिक अभ्यासक्रम वगळून)  - ऑफलाईन (मॅन्युली) प्रवेशासाठी अर्ज करावयाचा कालवधी 15 जून ते 14 जुलै 2019. पहिली निवड यादी अंतिम व प्रसिद्ध करणे 15 जुलै 2019 पर्यंत. पहिल्या निवड यादीनुसार विद्यार्थ्यांच्या प्रवेशाची अंतिम मुदत 31 जुलै 2019 पर्यंत.  रिक्त जागेवर प्रतिक्षा यादीतील विद्यार्थ्यांची गुणवत्तेनुसार निवड यादी प्रसिद्ध करणे 10 ऑगस्ट 2019. दुसऱ्या निवड यादीतील विद्यार्थ्यांना प्रवेश देणे 20 ऑगस्ट 2019 पर्यंत. पहिल्या व दुसऱ्या निवड यादीखेरीज जागा रिक्त राहिल्यास स्पॉट ॲडमिशन देणे 21 ऑगस्ट 2019 पर्यंत राहिल.

बी.ए. / बी. कॉम / बी.एस.सी या 12 नंतरच्या अभ्यासक्रमामध्ये प्रवेश घेतलेल्या पदविका / पदवी आणि एम.ए. / एम.कॉम/एम.एस.सी असे पदवी नंतरचे पदव्युत्तर, पदवी, पदविका इत्यादी अभ्यासक्रम (व्यावसायिक अभ्यासक्रम वगळून) - ऑफलाईन (मॅन्युली) प्रवेशासाठी अर्ज करावयाचा कालवधी 15 जून ते 24 ऑगस्ट 2019. पहिली निवड यादी अंतिम व प्रसिद्ध करणे 27 जुलै 2019 पर्यंत. पहिल्या निवड यादीनुसार विद्यार्थ्यांच्या प्रवेशाची अंतिम मुदत 14 ऑगस्ट 2019 पर्यंत.  रिक्त जागेवर प्रतिक्षा यादीतील विद्यार्थ्यांची गुणवत्तेनुसार निवड यादी प्रसिद्ध करणे 16 ऑगस्ट 2019. दुसऱ्या निवड यादीतील विद्यार्थ्यांना प्रवेश देणे 24 ऑगस्ट 2019 पर्यंत. पहिल्या व दुसऱ्या निवड यादीखेरीज जागा रिक्त राहिल्यास स्पॉट ॲडमिशन देणे 30 ऑगस्ट 2019 पर्यंत राहिल.  

व्यावसायिक अभ्यासक्रम - ऑफलाईन (मॅन्युली) प्रवेशासाठी अर्ज करावयाचा कालवधी 15 जुलै ते 28 ऑगस्ट 2019. पहिली निवड यादी अंतिम व प्रसिद्ध करणे 31 ऑगस्ट 2019 पर्यंत. पहिल्या निवड यादीनुसार विद्यार्थ्यांच्या प्रवेशाची अंतिम मुदत 5 सप्टेंबर 2019 पर्यंत.  रिक्त जागेवर प्रतिक्षा यादीतील विद्यार्थ्यांची गुणवत्तेनुसार निवड यादी प्रसिद्ध करणे 9 सप्टेंबर 2019. दुसऱ्या निवड यादीतील विद्यार्थ्यांना प्रवेश देणे 12 सप्टेंबर 2019 पर्यंत. पहिल्या व दुसऱ्या निवड यादीखेरीज जागा रिक्त राहिल्यास स्पॉट ॲडमिशन देणे 18 सप्टेंबर 2019 पर्यंत राहिल.

पहिल्या व दुसऱ्या निवड यादीखेरीज वसतीगृहातील प्रवेशाच्या जागा रिक्त राहिल्यास वरील दिलेल्या दिनांकापर्यंत प्रथम येणाऱ्या विद्यार्थ्यांस प्राधान्य देऊन त्यास तात्काळ त्याच दिवशी वसतीगृहात प्रवेश देण्यात येणार आहे. जिल्ह्यातील गरीब व होतकरु विद्यार्थ्यांनी या शासकीय वसतिगृहात प्रवेश प्रक्रियेचा लाभ घ्यावा, असे आवाहन संबंधीत शासकीय वसतिगृहांचे गृहपाल यांनी केले आहे.

000000

जिल्ह्यात गत 24 तासात

सरासरी 13.47 मि.मी. पाऊस

नांदेड, दि. 29 :- जिल्ह्यात शनिवार 29 जून 2019 रोजी सकाळी 8 वा. संपलेल्या गत 24 तासात सरासरी 13.47 मिलीमीटर पावसाची नोंद झाली असून दिवसभरात एकूण 215.46 मिलीमीटर पाऊस झाला आहे. तर जिल्ह्यात आतापर्यंत सरासरी 58.98 मि.मी. पावसाची नोंद झाली आहे. जिल्ह्यात आतापर्यंत 6.24 टक्के एवढा पाऊस झाला आहे.

जिल्ह्यात 29 जून 2019 रोजी सकाळी 8 वा. संपलेल्या 24 तासात झालेला पाऊस मिलीमीटरमध्ये तालुकानिहाय पुढील प्रमाणे कंसात एकूण पाऊस : नांदेड- 13.38 (74.18), मुदखेड- 21.33 (95.33), अर्धापूर- 5.00 (68.00), भोकर- 14.25 (74.75), उमरी- 13.33 (89.46), कंधार- 24.83 (40.66), लोहा- 17.67 (51.26), किनवट- 10.14 (53.67), माहूर- 2.75 (61.28), हदगाव- 5.71 (44.27), हिमायतनगर- 4.67 (49.35), देगलूर- 1.50 (10.66), बिलोली- 20.40 (49.00), धर्माबाद- 26.33 (63.33), नायगाव- 31.60 (72.00), मुखेड- 2.57 (46.43). आज अखेर पावसाची सरासरी 58.98 (चालू वर्षाचा एकूण पाऊस 943.63) मिलीमीटर आहे.

00000

भारतीय डाक विभागाच्यावतीने डिजिटल इंडिया कार्यक्रमाच्या चौथ्या वर्धापन दिनाचे आयोजन

नांदेड, दि. 29 :- भारतीय डाक विभागाच्यावतीने रविवार 1 जुलै 2019 रोजी डिजिटल इंडिया कार्यक्रमाचा 4 था वर्धापन दिन नांदेड मुख्य डाकघर, खरबी तालुका लोहा, भोपळा- शंकरनगर उपडाक कार्यालय, होणवडज व वडगाव- मुखेड उपडाकघर, दत्त माजरी- माहूर उपडाकघर याठिकाणी साजरा करण्यात येणार आहे.  

डिजिटल इंडिया हा भारत सरकारचा उपक्रम आहे. याद्वादे इंटरनेटचे जाळे देशाच्या सुगम तसेच दुर्गम ठिकाणी पोहचून भारतातील सर्व नागरिकांपर्यंत सरकारी सुविधा इंटरनेटद्वारे पोहोचवण्याचा भारत सरकारचा हेतू आहे. या उपक्रमाची सुरुवात भारताचे पंतप्रधान नरेंद्र मोजी यांच्या हस्ते 1 जुलै 2015 रोजी झाली आहे. या उपक्रमाद्वारे भारतात दुर्गम ठिकाणी चांगल्या प्रतीचे वेगवान इंटरनेटद्वारे पोहोचवण्याच्या योजनांचा समावेश आहे. या अभियानामार्फत सरकारचा देशाला एक माहिती तंत्रज्ञानावर आधारित सशक्त अर्थसत्ता बनवण्याचा प्रयास आहे.

या कार्यक्रमाद्वारे भारतीय डाक विभागातर्फे देण्यात येणाऱ्या सुविधांची माहिती देण्यात येणार आहे. इंडिया पोस्ट पेमेंट बँकेचे कामकाज पूर्णपणे डिजिटल स्वरुपात करण्यात येत आहे. Direct Beneeit Transfer द्वारे शासकीय सुविधा पुरविण्यात येत आहेत. शालेय विद्यार्थ्यांना शिष्यवृत्ती, रोजगार हमी योजनेचे वाटप तसेच सर्व प्रकारचे बँकिंग सुविधा याद्वारे देण्यात येत आहेत. तसेच टपाल जीवन विमा, सुकन्या समृद्धी योजना, बचत खाते आदी सुविधा टपाल खात्यामार्फत पूर्णपणे डिजिटल स्वरुपात देण्यात येत आहेत, असे अधीक्षक डाकघर नांदेड विभाग नांदेड यांनी प्रसिद्धी पत्रकाद्वारे कळविले आहे.

000000

कृषि विभागाचा लोगो

सुधारीत करण्यासाठी आवाहन

नांदेड दि. 28 :- कृषि विभागाचा लोगो प्रचलित असून कार्यालयीन कामकाजासाठी वापरण्यात येतो. सध्या कृषिक्षेत्रात आधुनिक तंत्रज्ञान, माहिती तंत्रज्ञानाचा वापर करुन शेतकऱ्यांच्या हितासाठी विविध योजना राबविण्यात येतात. त्याअनुषंगाने प्रचलित लोगोमध्ये बदल करुन नव्याने लोगो करण्याचे प्रस्तावित आहे.

या लोगोमध्ये सुधारणा करुन डीटीपी, डिझाईनचे सॉफ्ट व हार्ड (रंगीत) कॉपी कृषि माहिती विभाग, कृषि भवन 2 रा मजला, शिवाजीनगर पुणे-5 येथे समक्ष व ddinfor@gmail.com, या ईमेलद्वारे 31 जुलै 2019 पर्यंत पाठविण्यात यावा. तसेच ब्रिदवाक्य सुचविण्यात यावे. त्याकरीता सोबत सध्या वापरण्यात येत असलेला लोगो दण्यात येत आहे.

उत्कृष्ट लोगो तयार करणाऱ्या व्यक्ती, संस्था, फर्म्स यांना 25 हजार रुपयाचे पारितोषिक देऊन विजेता म्हणून घोषित करण्यात येईल. तसेच सदर लोगो वापरण्याचे स्वामित्व हक्क कृषि विभागाकडे राहील याची नोंद घ्यावी. अधिक संपर्कासाठी रामकृष्ण जगताप, कृषि उपसंचालक (माहिती) कृषि आयुक्तालय महाराष्ट्र राज्य पुणे-5 कार्यालय नं. 020-25537865 मो.नंबर 9823356835 वर संपर्क साधावा, असे आवाहन संचालक (विस्तार व प्रशिक्षण) कृषि आयुक्तालय पुणे यांनी केले आहे.

00000

तलाठी भरती प्रक्रियेबाबत आवाहन

नांदेड,दि. 28:- तलाठी गट क संवर्गातील पदभरतीच्या अनुषंगाने महापरीक्षा पोर्टलवरील तसेच हॉलतिकीटवरील सुचनांचे उमेदवारांनी तंतोतत पालन करावे. याबाबत अधिक माहिती, तक्रार नोंदविण्‍यासाठी महापरीक्षाचा टोल फ्रि क्रमांक 1800 3000 7766 व enquiry@mahapariksah.gov.in या मेलवर संपर्क साधावा, असे आवाहन जिल्हा प्रशासनाचे केले आहे.

राज्‍यातील सर्व शासकीय विभागातील मोठया प्रमाणावर असणारी रिक्‍त पदे भरण्‍याबाबत शासन धोरण निश्‍चीत करण्‍यात आले आहे. या धोरणानुसार सदर भरती प्रक्रिया महाआयटी (माहिती तंत्रज्ञान विभाग) या शासकीय विभागाच्‍या माध्‍यमातुन ई-महापरिक्षा या पोर्टलवरुन करावयाची आहे. त्‍यानुसार महसुल विभागाच्‍या आखत्‍यारीत असलेल्‍या तलाठी संवर्गातील रिक्‍त पदे भरण्‍याची कार्यवाही महा-आयटीच्‍या माध्‍यमातुन करण्‍यात येत आहे.

या परीक्षेचे पुर्ण संचलन व कार्यान्‍वयन महा-आयटी (माहीती तंत्रज्ञान) विभागाच्‍या माध्‍यमातुन             ई-महापरिक्षा मार्फत होत आहे. उमेदवारांच्‍या पसंतीच्‍या जिल्‍ह्यात परीक्षा देण्‍यासाठी संगणक विषयक पायाभुत सोई असणा-या शाळा/कॉलेजची निवड महा-आयटीकडून करण्‍यात येवून राज्‍यभरात एकुण 122 परीक्षा केंद्र निश्‍चीत करण्‍यात आली आहेत.

पॅनकार्ड, मतदान ओळखपत्र, पासपोर्ट, मुळफोटोसह राष्‍ट्रीयकृत बॅंक पासबुक, वाहन अनुज्ञप्‍ती (Driving Licence), आधारकार्ड हे सर्व परीक्षा केंद्रावर उमेदवारांने सहापैकी एक मुळ फोटो ओळखपत्र (Original photo ID) आणणे अत्‍यावश्‍यक आहे.

 ओळखपत्र फेरफार करुन तोतया उमेदवार येवू नये यासाठी फोटो ओळखपत्राची रंगीत झेरॉक्‍स, e-Aadhar card  आणि फोटो ओळखपत्राची सॉफ्ट कॉपी वैद्य ओळखपत्र पुरावा म्‍हणून स्विकारली जाणार नाही. अशा स्‍पष्‍ट सुचना उमेदवारांच्‍या हॉलतिकीटवर देण्‍यात आल्‍या आहेत.

महापरिक्षा पोर्टलवरुन घेतल्‍या जाणा-या परीक्षा चालु असतांना नियमांचे पालन केले जात आहे ना, काही गैरप्रकार होत नाही ना, यावर लक्ष ठेवण्‍यासाठी प्रत्‍येक परीक्षाकेंद्रावर  निरीक्षक (Observer) म्‍हणून व महा-आयटीच्‍या मुंबई येथील कंमाड रुममध्‍ये परीक्षा नियंत्रक (Exam Controller) म्‍हणून प्रत्‍येकी एका अधिका-याची नियुक्‍ती करण्‍यात आली आहे.

महापरीक्षा पोर्टलवरील तसेच हॉलतिकीटवरील सुचनांचे उमेदवारांनी तंतोतत पालन करणे आवश्‍यक आहे. यासंदर्भात अधिक माहीती/तक्रार नोंदविण्‍यासाठी महापरीक्षाचा टोल फ्रि क्रमांक 1800 3000 7766 व enquiry@mahapariksah.gov.in ह्या मेलवर संपर्क साधण्‍याबाबत सर्व सं‍बंधितांनी यांची नोंद घ्यावी, असे आवाहन जिल्हाधिकारी कार्यालय नांदेड यांनी केले आहे.

00000

विद्युत ठेकेदार अनुज्ञाप्तीसाठी अभियंत्यांचा 4 जुलैला मेळावा

नांदेड, दि.28:- पात्र विद्युत अभियंत्यांचा मेळावा विद्युत निरीक्षक कार्यालय नांदेड आणि अधिक्षक अभियंता, स. व सु. नियंत्रन मंडळ, महावितरण, नांदेड यांच्या संयुक्त विद्यमाने गुरुवार 4 जुलै 2019 रोजी सकाळी 11 वा. उप प्रादेशिक प्रशिक्षण केंद्र, महावितरण मंडळ कार्यालय परिसर, विद्युत भवन, अण्णा भाऊ साठे चौक, नांदेड येथे आयोजीत केला आहे.

जिल्हयात विज वितरण कंपनीची व इतरही विद्युत विषयक कामे करण्यासाठी पुरेसे विद्युत कंत्राटदार उपलब्ध व्हावे व त्यातुन बेरोजगार अभियंत्यांना रोजगार उपलब्ध होने करीता पात्र अभियंत्यांना शासनाची विद्युत कंत्राटदारांची अनुज्ञाप्ती मिळविण्यासाठी आवश्यक असणारी माहिती व मार्गदर्शन देण्यासाठी तसेच त्यांना आवश्यक ती मदत करण्यासाठी पात्र विद्युत अभियंत्यांच्या मेळाव्याचे आयोजन केले आहे. 

             जिल्हयातील सर्व विद्युत अभियांत्रीकी पदवि / पदविकाधारक बेरोजगार अभियंते तसेच सर्व विद्युत पर्यवेक्षक अनुज्ञाप्ती धारक, विद्युत विषयात NCTVT पुर्ण केलेले, ITI विजतंत्री पुर्ण करुन अनुभव असलेल्या अशा सर्व उमेदवारांना सदर मेळाव्यात आपल्याकडे असलेल्या कागदपत्रासह उपस्थीत रहावे असे आवाहन विद्युत निरीक्षण विभाग व अधिक्षक अभियंता महावितरण नांदेड या कार्यालयामार्फत करण्यात आले आहे.

             आयोजीत केलेल्या या मेळाव्यास उपस्थित राहु इच्छिणाऱ्या वर नमुद केल्याप्रमाणे पात्र उमेदवारांनी विद्युत निरीक्षक यांचे कार्यालय स्नेहनगर, नांदेड येथे दुरध्वनी क्रमांक 02462 (250966) वर किंवा अधिक्षक अभियंता, महावितरण, मंडळ कार्यालय, नांदेड यांचे कार्यालयीन दुरध्वनी क्रं. 02462 (286904) वर दुरध्वनी द्वारे किंवा प्रत्यक्ष भेटुन नाव नोंदणी करावी, असे आवाहन या दोन्ही कार्यालयाकडून करण्यात येत आहेü.

0000

संगणक प्रणालीत सुधारणेचे काम सुरु

सातव्या वेतन आयोगानुसार

निवृत्तीवेतनधारकांना लवकरच वेतन

नांदेड, दि.28 :- राज्य शासनाच्या आदेशानुसार निवृत्तीवेतन धारकांच्या जानेवारी 2016 ते डिसेंबर 2018 या कालावधीच्या सातव्या वेतन आयोगानुसार वाढीव निवृत्तीवेतनाचा पहिला हप्ता प्रदान करण्याचे काम जिल्हा कोषागारामध्ये चालू आहे. संगणक प्रणालीमधील  त्रटीमूळे मासिक निवृत्तीवेतनाच्या वेतन आयोगाच्या पहिल्या हप्त्यासह, प्रदानास दोन-तीन दिवस विलंब होण्याची शक्यता आहे. संगणक प्रणालीत सुधारणेचे काम सुरु असून लवकरात लवकर निवृत्तीवेतन धारकांचे वेतन आयोगाच्या  हप्त्यांसह प्रदान करण्यात येईल, असे आवाहन जिल्हा कोषागार अधिकारी नांदेड यांनी केले आहे.

00000

प्रधानमंत्री पिकविमा योजना खरीप हंगाम 2019-20 शेतकऱ्यांना 24 जूलै पर्यंत विमा प्रस्ताव भरण्याचे आवाहन

नांदेड दि. 27 :-  प्रधनमंत्री पिक विमा योजना खरीप हंगाम 2019-20 हंगामात राबविण्या बाबत / बिगरकर्जदार शेतकऱ्यांना लागू राहणार आहे.भात, ज्वारी, बाजरी, मका, उडीद, मुग, तुर, भुईमुग, कारळ, तीळ, सोयाबीन,सुर्यफुल व कापूस या पिकासाठी विमा प्रस्ताव बँकेत भरण्याची अंतिम मुदत 24 जुलै,2019 आहे. तरी विभागातील जास्तीत जास्त शेतकऱ्यांनी वरील योजनेत सहभागी व्हावे. अधिक माहिती साठी संबंधीत जिल्हा अधिक्षक कृषी अधिकारी  उपविभागीय कृषी अधिकारी / तालुका कृषी अधिकारी / जिल्हा मध्यवर्ती सहकारी  बँक / राष्ट्रीयकृत बँक अथवा ग्रामस्तरावर कृषी सहाय्यक यांचेशी संपर्क साधावा असे आवाहन विभागीय कृषी सहसंचालक लातूर यांनी प्रसिध्दी पत्रकाव्दारे केले आहे.

00000 

विभागातील सहकारी गृहनिर्माण संस्थावर नेमण्यात येणाऱ्या प्राधिकृत अधिकारी प्रशासक यांचे पॅनेलसाठी अर्ज करावेत

नांदेड दि. 27 :-  विभागीय सहनिबंधक,सहकारी संस्था लातूर विभागातील सकारी गृहनिर्माण संस्थांवर नेमण्यात येणाऱ्या प्राधिकृत अधिकारी (प्रशासक) यांचे पॅनेल तयार करण्यासाठी मान्यताप्राप्त विद्यापिठाची पदवी व सहकार व लेखा पदविका (जी.डी.सी.ॲण्ड ए) उच्चतम सहकार पदविका ( एच.डी.सी.) धारक चार्टड अकाऊंट्ट  (सी.ए.) इन्स्टिटयूट ऑफ कॉस्ट ॲण्ड वर्कस अकाऊंट्ट  (आय.सी.डब्ल्यू.ए.)कंपनी सेक्रेटरी (सी.ए.)सहकार खात्यातील प्रशासन/लेखापरिक्षण र्विभागातील अधिकारी / कर्मचारी नागरी / कर्मचारी सहाकारी बँकेमध्ये व्यवस्थापक यांचेकडून अर्ज मागविण्यात आले आहेत.

अर्जाचे विहीत नमुने विभागातील विभागीय सहनिबंधक,सहकारी संस्था लातूर विभाग लातूर ,जिल्हा उपनिबंधक,सहकारी संस्था लातूर / उस्मानाबाद / बीड / नांदेड व लातूर विभागातील सर्व विभागील सर्व  तालूका  उपनिबंधक  सहाय्यक निबंधक सहकारी संस्था या कार्यालयात दिनांक 27 जून,2019 ते 31 ऑगस्ट,2019 या कालावधीत कार्यालयीन वेळेत मिळू शकतील. याबाबतची जाहीर सूना या कार्यालयाच्या नोटीस बोर्डावर प्रसिध्द करण्यात आलेली आहे. असे  श्रीकांत  देशमूख ,विभागीय सहनिबंधक, सहकारी संस्था लातूर यांनी प्रसिध्दी पत्रकान्वये कळविले आहे.

00000 

शासकीय अध्यापक महाविद्यालयात राजर्षी शाहू महाराज यंती साजरी

नांदेड दि. 27 :-  शासकीय अध्यापक महाविद्यालयात राजर्षी शाहू महाराज जयंती सामाजिक न्याय दिन म्हणून 26 जून रोजी साजरी करण्यात आली.

छत्रपती शाहू महाराजांच्या सामाजिक कार्यावर प्राचार्या डॉ. सुनंदा रोडगे यांनी प्रकाश टाकला. पुरोगामी महाराष्ट्राला राजर्षी शाहू महाराजांच्या विचाराची गरज आहे. त्यांचे विचार समाजात रुजल्यास जाती-जातीमध्ये सामाजिक दरी निर्माण होणार नाही. शेतकऱ्यांचे प्रश्न सोडविले जातील. शेतीवरील उद्योग व्यवसायाची वाढ होऊन शेतकरी सुखी होतील. राजर्षी शाहू महाराजांनी शिक्षणाला अधिक प्राधान्य देवून गरीब विद्यार्थ्यांना शिष्यवृत्ती, राहण्याची सोय मोफत करुन दिली. त्यामुळे त्यांचे शैक्षणिक विचार घेऊन अधिक शिक्षण घ्यावे, असे आवाहन डॉ. रोडगे यांनी सांगितले.  

प्रास्ताविक डॉ. विठ्ठल घोनशेटवाड यांनी केले. यावेळी डॉ. सय्यद शाकेर, डॉ. हारुण शेख, डॉ. मुरुमकर, शिक्षकेत्तर कर्मचारी व महाविद्यालयातील प्रशिक्षणार्थी उपस्थित होते.

00000  

उच्च माध्यमिक प्रमाणपत्र परीक्षेतील पुनर्मूल्यांकन गुणात बदलाबाबत आवाहन

नांदेड दि. 27 :- राज्य माध्यमिक व उच्च माध्यमिक शिक्षण मंडळ लातूर विभागीय मंडळ लातूर या कार्यालयाकडे उच्च माध्यमिक प्रमाणपत्र परीक्षा फेब्रुवारी-मार्च 2019 साठी पुनर्मूल्यांकनात ज्या विद्यार्थ्यांना गुणात बदल झाल्याबाबतचे पत्र देण्यात आली आहेत, त्यांनी पत्राची प्रत संबंधीत अभ्यासक्रमाच्या सुविधा केंद्रावर (F.C.) सादर करावीत, असे आवाहन विभागीय सचिव लातूर विभागीय मंडळ लातूर यांनी केले आहे.

00000

उच्च माध्यमिक प्रमाणपत्र परीक्षेतील पुनर्मूल्यांकन गुणात बदलाबाबत आवाहन

नांदेड दि. 27 :- राज्य माध्यमिक व उच्च माध्यमिक शिक्षण मंडळ लातूर विभागीय मंडळ लातूर या कार्यालयाकडे उच्च माध्यमिक प्रमाणपत्र परीक्षा फेब्रुवारी-मार्च 2019 साठी पुनर्मूल्यांकनात ज्या विद्यार्थ्यांना गुणात बदल झाल्याबाबतचे पत्र देण्यात आली आहेत, त्यांनी पत्राची प्रत संबंधीत अभ्यासक्रमाच्या सुविधा केंद्रावर (F.C.) सादर करावीत, असे आवाहन विभागीय सचिव लातूर विभागीय मंडळ लातूर यांनी केले आहे.

00000