सोमवारी कर्करोग तपासणी शिबीर

नांदेड दि. 2 :- जागतिक कर्करोग दिन व सप्ताहनिमित्त सोमवार 4 फेब्रुवारी रोजी श्री गुरुगोविंद सिंघजी स्मारक जिल्हा रुग्णालय नांदेड व स्त्री रुग्णालय श्यामनगर नांदेड येथे सकाळी 9  ते दुपारी 2 यावेळेत सर्व वयोगटातील स्त्री-पुरुषांसाठी कर्करोग तपासणी शिबिराचे मोफत आयोजन करण्यात आले आहे.

या शिबिरात जिल्हा रुग्णालय नांदेड येथे मुख कर्करोग तपासणी व स्त्री रुग्णालय श्यामनगर नांदेड येथे स्त्री गर्भाशय कर्करोग व स्तनाचा कर्करोग याची तपासणी करण्यात येणार आहे. संबंधीत कर्करोगग्रस्त रुग्ण व संशयीत कर्करोग रुग्णांनी या मोफत कर्करोग तपासणी शिबिराचा लाभ घ्यावा, असे आवाहन जिल्हा शल्यचिकित्सक डॉ. बी. पी. कदम व अतिरिक्त जिल्हा शल्यचिकित्सक डॉ. एन. आय. भोसीकर यांनी केले आहे.

000000