मराठी भाषा गौरव दिन साजरा

करण्याचे जिल्हा प्रशासनाचे निर्देश   

नांदेड, दि. 27 :- ज्येष्ठ कवी वि. वा. शिरवाडकर उर्फ कुसुमाग्रज यांचा 27 फेब्रुवारी हा जन्म दिवस “मराठी भाषा गौरव दिन” म्हणून साजरा करावा, असे निर्देश सर्व विभाग प्रमुख व संबंधित विभागांना जिल्हाधिकारी नांदेड यांनी दिले आहेत.

ज्येष्ठ कवी वि. वा. शिरवाडकर उर्फ कुसुमाग्रज यांनी महाराष्ट्राच्या सांस्कृतिक क्षेत्रामध्ये मोलाचे योगदान दिले आहे. मराठी भाषा ही ज्ञानभाषा होण्यासाठी त्यांनी परिश्रम घेतले आहेत. आपल्या मातृभाषेचा गौरव म्हणून ज्येष्ठ कवी वि. वा. शिरवाडकर उर्फ कुसुमाग्रज यांचा 27 फेब्रुवारी हा जन्मदिन “मराठी भाषा गौरव दिन” म्हणून विविध उपक्रम आयोजित करुन समारंभपूर्व सोहळा साजरा करण्याच्या सुचना मराठी भाषा विभागाने 7 फेब्रुवारी 2019 रोजी परिपत्रकान्वये दिल्या आहेत. सर्व विभाग प्रमुख व संबंधित विभागांनी कार्यवाही करुन त्याचा अहवाल जिल्हाधिकारी कार्यालयास सादर करावा, असेही निर्देश दिले आहेत.  

00000