वृद्ध कलावंतानी मानधनासाठी

बँक खात्याची माहिती दयावी

नांदेड दि. 14 :- वृद्ध कलावंत लाभार्थ्यांना मानधन थेट त्यांच्या खात्यावर जमा केले जात आहे. त्यासाठी वृद्ध कलावंताच्या बँक खात्याचा 12 / 18 अंकी खाते क्रमांक व बँक शाखेचा आयएफएस कोड अनिवार्य आहे. यासाठी लाभार्थ्यांच्या बँक खात्याचे पासबूकची सत्यप्रत सहायक संचालक सांस्कृतिक कार्य संचालनालय औरंगाबाद यांचेकडे त्वरीत पाठवावी, असे आवाहन सहायक संचालक, सांस्कृतिक कार्य संचालनालय, विभागीय कार्यालय औरंगाबाद यांनी केले आहे. काही वृद्ध कलावंत लाभार्थ्यांचे बँकेचे खाते क्रमांक किंवा शाखा क्रमांक चुकीचे असल्याने या लाभार्थ्यांचे मानधन बँक खात्यावर ऑनलाईन जमा करण्यास अडचण येत आहे, असेही प्रसिद्धी पत्रकात नमूद केले आहे. 

00000