अल्पसंख्याक शिष्यवृत्ती पात्र विद्यार्थ्यांची

यादी शाळा लॉगीनला उपलब्ध

नांदेड, दि. 21 :- अल्पसंख्याक समाजातील विद्यार्थ्यांच्या प्रि-मॅट्रिक  शिष्यवृत्ती सन 2017-18 साठी पात्र विद्यार्थ्यांची यादी प्रत्येक शाळेच्या लॉगीन ला www.scholarships.gov.in या संकेतस्थळावर उपलब्ध करुन दिली आहे. मुख्याध्यापकांनी शाळा लॉगीन करुन शिष्यवृत्तीसाठी पात्र झालेल्या विद्यार्थ्यांची यादी काढून अशा सर्व विद्यार्थ्यांचे सन 2018-19  या वर्षामध्ये संबंधित संकेतस्थळावर रीनिवल फार्म ऑनलाईन भरावेत. शाळा लॉगीनसाठी मागील वर्षाचा आयडी व पासवर्ड वापरावा. रीनिवल व फ्रेश अर्ज भरण्याची अंतिम मुदत 30 सप्टेंबर 2018 अशी आहे.

या यादी व्यतिरिक्त शिष्यवृत्तीच्या अटी पूर्ण करणाऱ्या शाळेतील सर्व अल्पसंख्याक विद्यार्थ्यांचे सन 2018-19  साठी फ्रेश फार्म भरण्याचे आवाहन  जिल्हा परिषदेचे शिक्षणाधिकारी (माध्यमिक) अशोक देवकरे यांनी जिल्ह्यातील मुख्याध्यापकांना केले आहे.

00000