तरुणांसाठी रोजगार मेळाव्याचे  

मंगळवारी नांदेड येथे आयोजन  

नांदेड, दि. 23 :-  जिल्ह्यातील सुशिक्षित बेरोजगार उमेदवारांसाठी नांदेड जिल्हा कौशल्य विकास रोजगार व उद्योजकता मार्गदर्शन केंद्राच्यावतीने मंगळवार 28 ऑगस्ट रोजी महात्मा फुले मंगल कार्यालय फुले मार्केट आयटीआयजवळ नांदेड येथे सकाळी 11 वा. रोजगार मेळाव्याचे आयोजन करण्यात आले आहे.

या रोजगार मेळाव्यात नामांकित कंपनीचे अधिकारी, प्रतिनिधी उपस्थित राहणार आहेत. ट्रेनी ऑपरेटर, एटीएम ऑपरेटर, सीटी बॉयकर, ऑफिसर रिपोटर्स, ऑफिसर कॉल सेंटर, ड्रॉयव्हर, फार्मासिस्ट, फिल्ड ऑफिसर या पदाच्या 185 जागा भरण्यात येणार आहेत. या विविध पदांसाठी किमान शैक्षणिक पात्रता एसएससी, एचएससी, पदवी, डिफॉर्मसी, बी.फॉर्मसी उत्तीर्ण आवश्यक असून किमान वेतन 7 ते 13 हजार रुपयापर्यंत देण्यात येणार आहे. त्यासाठी आवश्यक वयोमर्यादा 18 ते 25 वर्षे राहील.

इच्छूक उमेदवारांनी रोजगार मेळाव्यात सहभागी होण्यासाठी www.mahaswayam.in  या संकेतस्थळावरुन ऑनलाईन प्रवेश पास काढूण घेणे आवश्यक आहे. अधिक माहितीसाठी कौशल्य विकास रोजगार व उद्योजकता नांदेड कार्यालयाचा दूरध्वनी क्र. 02462-251674 वर संपर्क साधावा, असे आवाहन सहायक संचालक जिल्हा कौशल्य विाकस रोजगार व उद्योजकता मार्गदर्शन केंद्र नांदेड यांनी केले आहे.

000000