नवोदय विद्यालय प्रवेश परीक्षा

अर्जासाठी 25 नोव्हेंबरची मुदत

अर्ज ऑनलाईन, ऑफलाईन पद्धतीने करता येणार   

नांदेड दि. 14 :- शंकरनगर येथील जवाहर नवोदय विद्यालयातील सन 2018 साठी इयत्ता 6 वी प्रवेशाचे अर्ज ऑनलाईन व ऑफलाईन पद्धतीने शनिवार 25 नोव्हेंबर 2017 पर्यंत जमा करता येतील. संबंधीत मुख्यापक, शिक्षक व पालकांनी जास्तीतजास्त विद्यार्थ्यांचे प्रवेश अर्ज त्वरीत जमा करावे, असे आवाहन जवाहर नवोदय विद्यालयाचे प्राचार्य हरिवरा प्रसाद यांनी केले आहे.

जिल्ह्यातील तालुकानिहाय अधिकृत सेतु केंद्राच्या माध्यमातून ऑनलाइन प्रवेश अर्ज करता येतील. तसेच संबंधीत शाळा मुख्याध्यापकांनी शाळेतील ऑफलाइन प्रवेश अर्ज जवाहर नवोदय विद्यालय शंकरनगर येथे ऑनलाईन करण्यासाठी त्वरीत जमा करावेत. प्रवेशासाठी अर्ज www.jnvnanded.com, या विद्यालयाच्या संकेतस्थळावर उपलब्ध आहेत.  ही प्रवेश परीक्षा 10 फेब्रुवारी 2017 रोजी जिल्ह्यात घेण्यात येणार आहे, अशी माहिती प्रसिद्धी पत्रकात देण्यात आली आहे.  

000000