जागतिक अंडी दिन  

14 ऑक्टोंबरला साजरा करावा

नांदेड, दि. 12 :- कुपोषण निर्मुलनासाठी राज्यात अंगणवाडी व शाळांमधुन अधिकाधिक विद्यार्थ्यांना उकडलेली अंडी आणि अंडी न खाणाऱ्या विद्यार्थ्यांसाठी केळी वाटप करुन 14 ऑक्टोंबरला साजरा करण्यात येणाऱ्या जागतिक अंडी दिन कार्यक्रमात अंडयाचे आहारातील महत्व विविध कार्यक्रमातून सांगितले जाणार आहे.

पशुसंवर्धन विभाग व लोकसहभागामार्फत राज्यात विविध ठिकाणी ऑक्टोंबर महिन्यातील दुसऱ्या शुक्रवारी जागतिक अंडी दिन हा सन 2016 पासून साजरा करण्यात येत आहे. त्यानुसार शाळांमधील विद्यार्थ्यांना उकडलेली अंडी वाटप करुन अंडयाचे आहारातील महत्व पटवुन देऊन त्यांचा दैनंदिन आहारात वापर होण्यासाठी प्रयत्न करण्यात येतो. शासनाच्या सुचनेनुसार कार्यक्रमाचे आयोजन करुन केलेल्या कार्यवाहीचा अहवाल शासनास व जिल्हाधिकारी कार्यालयास सादर करावा, असे निर्देश जिल्हाधिकारी नांदेड यांनी संबंधीत विभाग प्रमुखांना दिले आहेत.

000000