स्वच्छता पुरस्कारासाठी प्रस्ताव

सादर करण्याचे आवाहन  

नांदेड, दि. 26 :- नेहरु युवा केंद्राशी संलग्न असणाऱ्या ग्रामीण भागातील युवा मंडळ संस्था, महिला मंडळानी तालुकास्तरीय स्वच्छता पुरस्कारासाठी 18 सप्टेंबर पर्यंत विहित नमुन्यात प्रस्ताव नेहरु युवा केंद्र मालेगाव रोड नांदेड येथे सादर करावे, असे आवाहन जिल्हा युवा समन्वयक नेहरु युवा केंद्र नांदेड यांनी केले आहे.

सन 2016-17 चा प्रस्ताव सादर करताना पाणी पुरवठा, विहीर, परीसर स्वच्छता, गाळ काढणे, नदीकाठ स्वच्छता, गवत, जलपर्णी काढणे, वृक्षारोपण, वृक्षसंगोपन तत्सम कामे, स्वच्छता रंगरंगोटी, ग्रामस्वच्छता, मैदान स्वच्छ करणे, पाणी अडविण्यासाठी बंधारे, शोषखड्डे, शौचालय बांधकामास प्रोत्साहन देणे अशी कामे करणाऱ्या पात्र युवा मंडळ संस्था व महिला मंडळांना हा पुरस्कार देण्यात येतो.

पुरस्काराचे स्वरुप प्रथम पुरस्कार 8 हजार रुपये, द्वितीय 4 हजार रुपये रोख व गौरवपत्र देण्यात येते. तसेच ग्रामस्तरीय युवा सांसद कार्यक्रमांतर्गत 18 ते 30 वयोगटातील नवीन युवा मंडळांना 2 हजार 400 रुपये तसेच संलग्नीत युवा मंडळ, संस्था, महिला मंडळांना 700 रुपये ( सन 2015-16 पर्यंतचे)  देण्यात येणार आहे, अशी माहिती नेहरु युवा केंद्र नांदेड यांनी दिली आहे.  

000000