वृत्त क्र. 95

 

समाज कल्याण कार्यालयामार्फत

विविध महामंडळाचा मंगळवारी जिल्हास्तरीय मेळावा

 

नांदेड (जिमाका) दि. 1 :- महाराष्ट्र शासनाचे सामजिक न्याय व विशेष सहाय्य विभाग सहाय्यक आयुक्त, समाज कल्याण कार्यालय नांदेड यांच्यावतीने सामाजिक न्याय विभागाअंतर्गत महात्मा फुले मागासवर्ग विकास महामंडळ मर्या.नांदेड, साहित्यरत्न लोकशाहीर अण्णाभाऊ साठे विकास महामंडळ मर्या.नांदेड व संत रोहिदास चर्मोदयोग व चर्मकार विकास महामंडळ मर्या.नांदेड या विविध महामंडळांचे एक दिवशीय जिल्हास्तरीय मेळाव्याचे आयोजन मंगळवार 6 फेब्रुवारी 2024 रोजी डॉ. बाबासाहेब आंबेडकर सामाजिक न्याय भवन, ग्यानमाता शाळेसमोर नांदेड येथे करण्यात आले आहे.

 

सदर महामंडळाच्या लाभार्थ्यांचे कर्ज मंजुरीचे कर्ज प्रस्ताव बँकेकडून तात्काळ मंजूर करण्याच्या उद्देशाने सहाय्यक आयुक्त समाज कल्याण नांदेड, जिल्हा अग्रणी बँक अधिकारी, जिल्हा समन्वयक अधिकारी व उपरोक्त महामंडाळांचे जिल्हा व्यवस्थापक तसेच लाभार्थी यांचे मंगळवार 6 फेब्रुवारी रोजी सकाळी 10.30 वा. डॉ. बाबासाहेब आंबेडकर सामाजिक न्याय भवन, ग्यानमाता शाळेसमोर नांदेड येथे एक दिवसीय मेळाव्याचे आयोजन करण्यात आले आहे. नांदेड जिल्हयातील संबंधीत महामंडळाचे सर्व लाभार्थी व नागरीक यांनी या एकदिवसीय मेळाव्यास उपस्थित राहून लाभ घ्यावा, असे आवाहन समाज कल्याण सहाय्यक आयुक्त शिवानंद मिनगीरे यांनी केले आहे.

000000