ऑटोरिक्षा परवान्याबाबत

अमिषाला बळी न पडण्याचे आवाहन

नांदेड (जिमाका) दि. 12 :- नविन ऑटो रिक्षा परवान्यासाठी अर्ज करणाऱ्या अर्जदार व्यक्तीनी एकापेक्षा अधिक परवानेसाठी अर्ज करु नयेत. तसेच कोणी ऑटोरिक्षा परवाने देतो असे अमिष दाखवत असल्यास अशा अमिषाला ऑटोरिक्षा चालक/मालक यांनी  बळी पडू नये, असे आवाहन प्रादेशिक परिवहन अधिकारी अविनाश राऊत यांनी केले आहे.

गृह विभाग क्र.एमव्हीआर-0815/प्र.क्र.387/परि-2 दिनांक 18.07.2017 रोजीच्या शासन निर्णयान्वये नविन ऑटो रिक्षा परवाने वाटप करण्याबाबत घोषित केलेले होते. यामध्ये परवाना प्राप्त करुन घेण्यासाठी अटी व शर्ती निर्धारीत केल्या आहेत. अर्जदार ऑटो रिक्षा परवान्यासाठी अर्ज करतांना या शासन निर्णयातील अटी व शर्तीची पूर्तता करीत असल्याबाबत, त्यात तो सुशिक्षीत बेरोजगार व त्याकडे यापूर्वी ऑटोचा कुठलाही परवाना नसल्याबाबतचे शपथपत्र देण्याबाबत सूचित केलेले आहे. 

परिवहन आयुक्त कार्यालय मुंबई यांच्या पत्रासोबत प्राप्त झालेल्या तक्रारीच्या अनुषंगाने या कार्यालयाने कार्यालयामधून वाटप करण्यात आलेल्या ऑटोरिक्षा परवाने बाबतची माहिती पडताळणी केली असता असे निदर्शनास आले आहे की, वाहन प्रणालीद्वारे एका व्यक्तीने एकापेक्षा अधिक ऑटोरिक्षा परवाने घेतलेले आढळून आलेले आहे. ज्या अर्जदारांनी एकापेक्षा अधिक ऑटोरिक्षा परवाने घेतलेले आहेत. त्यांनी स्वत:हुन परवाने जमा करावेत. अन्यथा प्रादेशिक परिवहन कार्यालयामार्फत त्यांचे विरुध्द कायदेशिर कारवाई करण्यात येईल याची नोंद घ्यावी, असेही प्रसिद्धीपत्रकाद्वारे कळविले आहे.

0000